ايماقتار • 23 مامىر، 2022

كۇرە جولداعى كوپىردى سۋ شايىپ كەتتى

53 رەت كورسەتىلدى

جەتىسۋدا جاۋىن-شاشىن جيىلەپ تۇر. سونىڭ سالدارىنان ساي-سالاعا سۋ تولىپ، تاسقىن كوبەيدى. ءبىراز كۇن بۇرىن تەكەلى قالاسىندا تولاسسىز جاۋعان جاڭبىردان كەيىن لاي كوشىپ، بىرنەشە ءۇيدى باسىپ قالعان بولاتىن. وكىنىشتىسى، وسى وقيعا كەزىندە 5 جاستاعى بالدىرعان قىز ءۇيىندىنىڭ استىندا قالىپ، قازا بولعان ەدى. ال كۇنى كەشە شەلەكتەپ توككەن جاۋىننان كەيىن تالدىقورعان-ءۇشارال تاس جولىنىڭ ءبىراز بولىگىن سۋ شايىپ كەتتى.

وقيعا سارقان اۋدانىنا جەتپەي، اقسۋ اۋدانىنداعى جان­سۇگىروۆ اۋىلىنان كەيىنگى ەڭبەك اۋىلىنىڭ ماڭىندا بولعان. بۇل جايىندا اقسۋ اۋدانى اكى­مىنىڭ ءباسپاسوز قىزمەتى «22 مامىر كۇنى ساعات 16.45 شاماسىن­دا اكىمدىكتىڭ كەزەكشىسىنە رەسمي حابارلاما كەلىپ ءتۇستى. وندا ال­ماتى-وسكەمەن رەسپۋبليكالىق ماڭىزى بار جولىنىڭ 395-شا­قىرىمىنداعى ەڭبەك اۋىلىنىڭ تۇسىندا قالىڭ جاۋىن-شاشىن سۋى كوپىردى شايىپ كەتكەنى اي­تىل­عان. قۇبىر ءتارىزدى كوپىردىڭ ديامەترى – 3،5 م، تەرەڭدىگى 3 مەتر بولعان. تاسقىننان كەيىن كۇرە جول ەكىگە جارىلىپ، جۇرىسكە قاۋىپ توندىرگەن ەكەن. ادام شى­عىنى جوق جانە كولىكتەرگە دە زاقىم كەلمەگەن. وقيعا ورنىنا كۇزەت بەكەتى قويىلىپ، پوليتسيا قىزمەتى جولعا شىققان كولىكتەردى ماتاي-لەپسى اۋىلدارى ارقىلى وتەتىن اينالما جولعا باعىتتاپ جاتىر»، دەپ حابارلادى. قازىر توتەنشە جاعداي بولعان جول بولىگىندە قالىپقا كەلتىرۋ جۇمىسى قىزۋ جالعاسۋدا. وسى كۇرە جولدىڭ قۇرىلىسىن جۇرگىزىپ جاتقان CITIC Construction كومپا­نياسىنىڭ ار­نايى بريگاداسى كولىك وتۋگە ارنال­عان ۋاقىتشا وتكەلدى سالىپ، اياقتاپ قالعان. ال ب ۇلىنگەن نە­گىزگى جول مەن سۋ شايىپ كەتكەن كوپىرگە قاتىستى قۇرىلىسقا تاپسىرىس بەرۋشى «قازاۆتوجول» ۇلتتىق كومپانياسى قىزمەتتىك تەكسەرۋدى باستاپتى.

– «قازاۆتوجول» ۇلتتىق كوم­پانياسى الماتى-وسكەمەن باعى­تىنداعى قۇبىرلى وتكەلدى شايىپ كەتۋ وقيعاسىنىڭ ءمان-جايىن ەگجەي-تەگجەيلى انىقتاۋ ءۇشىن قىزمەتتىك تەكسەرۋدى باس­تادى. بەلگىلى بولعانداي، كەڭ ارناعا ەڭ تومەنگى ديامەترى بار سۋوتكىزگىش قۇبىر جوبالانعان. بۇدان ارى ءتيىستى تالاپتى بۇزۋ انىقتالعان جاعدايدا كىنالى ازا­ماتتار زاڭناماعا سايكەس جا­ۋاپكەرشىلىككە تارتىلادى. اتال­عان ۋچاسكەنىڭ قۇرىلىسى مەن جو­بالاۋعا كەلىسىمشارت 2017 جىلى جاسالعان. ديامەترى 1،5 مەتر بولا­تىن قۇبىر قۇرىلىسىنىڭ تەح­نيكالىق شەشىمىن الماتى قالا­سىنداعى «كازدورپروەكت» جشس ازىرلەگەن، ال جوبا «قازاۆتوجول» كومپانياسىنىڭ قۇرىلىس جونىندەگى ديرەكتسياسى فيليالى، «گك ينجينيرينگ» جشس تەحنيكالىق قاداعالاۋ قىزمەتى جانە CITIC Construction ۇسىنعان مەردىگەرلەر  تاراپى­نان كەلىسىلگەن. سونداي-اق وسىن­داي جاعدايدىڭ الدىن الۋ ماق­ساتىندا رەسپۋبليكالىق ما­ڭى­زى بار جولداردىڭ بار­لىق ۋچاسكەلەرىندەگى قالعان قۇ­بىر­لار مەن مال وتكەلدەرىنە تەك­سەرىس جۇرگىزىلۋدە، – دەيدى «قازاۆتوجول» ۇلتتىق كومپانيا­سى رەسمي وكىلى تاراتقان اقپارات.

ر

ال ءبىز جولداعى جاعدايدى ءبىلۋ ءۇشىن اقسۋ اۋدانى اكىم­دىگىنە حابارلاسقان بولاتىنبىز. «كەشە رەسپۋبليكالىق ما­ڭىزى بار الماتى-وسكەمەن تاس جو­لىنىڭ 393-395 شاقىرىمىن قاتتى جاۋعان جاۋىن سۋى شايىپ كەتتى. اپات بولعان جەردە 4 جۇك كولىگى تۇرىپ قالدى. كولىك جۇر­گىزۋشىلەرىمەن بايلانىس ورناتىپ، ولار ازىق-ت ۇلىك، باسقا دا قاجەتتى زاتتارمەن قامتاماسىز ەتىلدى. وقيعا ورنىندا ءتيىستى ماماندار جۇمىس ىستەپ جاتىر. اپاتتىڭ سالدارىن جويۋعا تەحنيكالار مەن جۇمىسشىلار جۇمىلدىرىلعان. جوندەۋ-قالپىنا كەلتىرۋ جۇمىس­تارىنا 16 ارنايى تەحنيكا مەن 20-عا جۋىق ادام تارتىلدى. اۋماق­تاعى جول قوزعالىسى توق­تاعان. كولىكتەر ماتاي-لەپسى اۋىل­­دارى ارقىلى وتەتىن اينالما جولمەن ءجۇرىپ جاتىر»، دەيدى اۋدان اكىمى ەسىم بازارحانوۆ.

جەكسەنبىدە جاۋعان جاڭبىر وبلىستىڭ كەربۇلاق اۋدانى تۇر­عىندارىن دا ءبىراز ابىگەرگە سالدى. توپەپ جاۋعان جاۋىن سۋى قوعالى اۋىلىنداعى پانفيلوۆ، جاندوسوۆ جانە توباياقوۆ كو­شەلەرىن كولگە اينالدىرىپ، تۇر­عىن ۇيلەرگە سۋ كىرۋ قاۋپى تونگەن. سونداي-اق وسى اۋدانداعى باي­عازى وزەنى جاڭبىردان كەيىن تاسىپ، كوتەرىلگەن سۋ اۋىلداعى بىر­نەشە ءۇيدىڭ باۋ-باقشاسىن باسىپ قالعان. اۋىلدارعا اۋداندىق توتەنشە جاعداي جونىندەگى ءبو­لىمىنىڭ قىزمەتكەرلەرى كەلىپ، تاس­قىندى باقىلاۋعا العان كو­رىنەدى. ادامدارعا قاتەر تونگەن جوق. ازىرگە قيراعان ءۇي مەن باس­قا دا زاقىمدانعان زاتتار انىق­تالمادى.

 

الماتى وبلىسى

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار