ءساۋىر ايىندا ەلىمىزدە جاسى 29-عا تولماعان بيزنەسمەندەردىڭ سانى 211,9 مىڭعا جەتكەن, ياعني, ءبىر جىلدا بىردەن 36,4%-عا ارتقان.
بۇل كەزەڭدە جالپى جەكە كاسىپكەرلەردىڭ سانى 8,3% ءوسىپ, 1,2 ملن ادامعا جەتكەن. ءبىر جىل بۇرىن ولاردىڭ جالپى كاسىپكەرلەردىڭ اراسىنداعى ۇلەسى 14,5% بولسا, بيىل 18,2%-عا جەتىپ وتىر.
جىنىسقا قاراي جىكتەسەك, جاس كاسىپكەرلەر اراسىندا ەرلەردىڭ سانى باسىم – 109,1 ەر, 102,8 مىڭ ايەل. الايدا اۋىلداعى جاس كاسىپكەرلەردىڭ ۇلەسى ءالى دە بولسا از. جاستار ساناتىنا جاتاتىن 158,4 مىڭ كاسىپكەر قالادا تىركەلگەن. ال اۋىلداعىلاردىڭ ۇلەسى - 25%-دىڭ اينالاسىندا. بىراق بيىل اۋىلداعى جاس كاسىپكەرلەردىڭ سانى دا ايتارلىقتاي وسكەن – 30,9% نەمەسە 53,4 مىڭ.
جاستار اراسىندا بولشەك جانە كوتەرمە ساۋدا ەڭ تارتىمدى سالا بولىپ تۇر. مۇندا 73,6 مىڭ ادام كاسىپ اشقان.
وڭىرلەر اراسىندا الماتى (33 مىڭ) جانە نۇر-سۇلتان (24,7 مىڭ) قالالارىندا جاس كاسىپكەرلەر كوبىرەك تىركەلگەن. ءتىزىمنىڭ سوڭىندا سولتۇىستك قازاقستان (2,6 مىڭ), پاۆلودار (5 مىڭ) جانە اقمولا (5,5 مىڭ) وبلىستارى تۇر. ءبىر قىزىعى 6 وڭىردە جاس كاسىپكەرلەردىڭ اراسىندا ايەلدەردىڭ ۇلەسى باسىم. اسىرەسە ماڭعىستاۋ, شىعىس قازاقستان, قاراعاندى وبلىستارى العاشقى ۇشتىكتە. ال سولتۇستىك قازاقستان (39,2%) جانە تۇركىستان (40,5%) وبلىستارىندا نازىك جاندى كاسىپكەرلەردىڭ ۇلەسى ازداۋ.
