قىرعىزستاننىڭ كولىك جانە كوممۋنيكاتسيا مينيسترلىگىنىڭ ءباسپاسوز قىزمەتىنىڭ اقپاراتىنا سايكەس, قىرعىزستان اسۋلارىندا قار جاۋىپ جاتىر, جول تايعاق. ۆەدومستۆو وكىلدەرى اۆتوكولىك جۇرگىزۋشىلەرىنە بىشكەك-وش-توو-اشۋ, الا-بەل, كوك-بەل, سونداي-اق تالاس-تاراز-سۋسامىر جانە باسقا اۆتوجولداردىڭ ۋچاسكەلەرىندە قار جاۋىپ جاتقانىن ەسكەرتتى.
«بىشكەك-وش-توو-اشۋ, الا-بەل, كوك-بەل, سونداي-اق وتموك اۆتوجولدارىنىڭ بيىك اسۋدان وتەتىن تۇستارىندا, تالاس-تاراز-سۋسامىر جانە باسقا دا تاسجولداردا قار جاۋىپ جاتىر, تيىسىنشە قار ءۇيىندىسى پايدا بولدى», دەلىنگەن حابارلامادا.
كولىك مينيسترلىگىنىڭ جول پايدالانۋ مەكەمەسى قىزمەتكەرلەرى جولداردىڭ جوعارىدا اتالعان ۋچاسكەلەرىنە تايىپ كەتۋدەن قورعايتىن ينەرتتى ماتەريالداردى سەۋىپ جاتىر.
«قالىپتاسقان جاعدايدى ەسكەرە وتىرىپ, جاساندى كەپتەلىس تۋدىرماس ءۇشىن جۇرگىزۋشىلەرگە قىسقى دوڭگەلەگى بار كولىكتەرمەن اسۋلارعا شىقپاۋعا كەڭەس بەرەمىز. سونداي-اق جول-كولىك وقيعالارىنىڭ الدىن الۋ ماقساتىندا اۆتوجولدارداعى ءتيىستى جىلدامدىق رەجيمىن ساقتاۋ قاجەت», دەپ اتاپ ءوتتى ۆەدومستۆو.
سونداي-اق 21-22 مامىردا وزبەكستاندا تۇندەگى اۋا تەمپەراتۋراسىنىڭ تومەندەۋىنە بايلانىستى قاشقاداريا مەن جىززاق وبلىستارىنىڭ بىرقاتار تاۋلى ايماقتارىندا قار جاۋدى. اتاپ ايتقاندا, قاشقاداريا وبلىسىنىڭ دەحكاناباد جانە كيتاب اۋداندارىنىڭ تاۋلارى مەن دجيزاح وبلىسىنىڭ زاامين اۋدانىندا قار جاۋعان.
