قوعام • 21 مامىر، 2022

اجار عينيات شىمكەنت پەرزەنتحاناسىندا قازا تاپقانداردىڭ وتباسىلارىنا كوڭىل ايتتى

63 رەت كورسەتىلدى

قر دەنساۋلىق ساقتاۋ ءمينيسترى اجار عينيات شىمكەنت پەرزەنتحاناسىندا قازا تاپقانداردىڭ وتباسىلارىنا كوڭىل ايتتى، دەپ حابارلايدى Egemen.kz.

«شىمكەنت قالاسىنداعى وبلىستىق پەريناتالدىق ورتالىقتا بولعان قايعىلى وقيعانىڭ قۇرباندارىنا شىن جۇرەكتەن كوڭىل ايتامىن.

ءدال قازىرگى ۋاقىتتا جاعداي دەنساۋلىق ساقتاۋ مينيسترلىگىنىڭ باقىلاۋىندا تۇر. زارداپ شەككەندەردى قالانىڭ مەديتسينالىق ۇيىمدارىندا ستاتسيونارلىق جاعدايدا ەمدەۋ ءۇشىن بارلىق شارالار قابىلدانۋدا.

بۇدان باسقا، تۇركىستان وبلىسى بويىنشا جۇكتى جانە جاڭا تۋعان نارەستەلەردى باعىتتاۋدى ۇيىمداستىرۋ جانە وزگەرتۋ بويىنشا جۇمىستار شۇعىل تۇردە جۇزەگە اسىرىلۋدا»، دەپ جازدى اجار عينيات فەيسبۋكتەگى پاراقشاسىندا.

ءمينيستردىڭ ايتۋىنشا، تۇركىستان وبلىسىنىڭ دەنساۋلىق ساقتاۋ باسقارماسىن ۋاقىتشا وڭىرلەندىرۋ تۋرالى ءتيىستى بۇيرىق دايىندالىپ، ءوڭىر اكىمىنىڭ ورىنباسارى باستاعان وبلىستىق كلينيكالىق اۋرۋحانادا جۇمىس شتابى قۇرىلدى.

وقيعا ورنىنا قر دسم انا مەن بالا دەنساۋلىعىن قورعاۋ دەپارتامەنتىنىڭ باسشىسى باردى.

ايانا توعانبەك

 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار