پارلامەنت • 21 مامىر، 2022

سەنات سپيكەرى قىتايدىڭ حالىقتىق ساياسي كونسۋلتاتيۆتىك كەڭەسى بۇكىلقىتايلىق كوميتەتىنىڭ توراعاسىمەن كەزدەستى

22 رەت كورسەتىلدى

قازاقستان رەسپۋبليكاسى پارلامەنتى سەناتىنىڭ توراعاسى ماۋلەن اشىمباەۆ قىتايدىڭ حالىقتىق ساياسي كونسۋلتاتيۆتىك كەڭەسى بۇكىلقىتايلىق كوميتەتىنىڭ توراعاسى ۆان يانمەن كەزدەستى، دەپ حابارلايدى Egemen.kz پالاتانىڭ ءباسپاسوز قىزمەتىنە سىلتەمە جاساپ.

سەنات سپيكەرى قازاقستان قىتايمەن ىنتىماقتاستىقتى دامىتۋعا جانە ءتۇرلى باعىتتاعى ءوزارا ءىس-قيمىلدىڭ جوعارى دەڭگەيىن ءارى قاراي ىلگەرىلەتۋگە ەرەكشە ءمان بەرەتىنىن اتاپ ءوتتى. سونداي-اق ماۋلەن اشىمباەۆ ەل پرەزيدەنتى قاسىم-جومارت توقاەۆتىڭ 2019 جىلى قىتايعا جاساعان ساپارىنا نازار اۋداردى. ول ءوز سوزىندە سول ساپار كەزىندە مەملەكەت باسشىلارى قازاقستان مەن قىتاي ماڭگىلىك، ستراتەگيالىق جانە جان-جاقتى سەرىكتەستىكتى دامىتۋعا بەيىلدى ەكەنىن راستايتىن بىرلەسكەن مالىمدەمەگە قول قويعانىن ايتتى.

ء«بىزدىڭ ەلدەرىمىزدىڭ مەملەكەت باسشىلارى قول جەتكىزگەن ۋاعدالاستىقتاردى ىسكە اسىرۋ بارىسىندا قازاقستان پارلامەنتىنىڭ سەناتى مەن قىتايدىڭ حالىقتىق ساياسي كونسۋلتاتيۆتىك كەڭەسى اراسىنداعى ىنتىماقتاستىقتىڭ ماڭىزى زور. بۇل ءبىزدىڭ الداعى ءوزارا ءىس-قيمىلىمىزدىڭ نەگىزى بولۋعا ءتيىس. ءبىز ەكىجاقتى ءوزارا ءتيىمدى ىنتىماقتاستىقتىڭ ءتۇرلى باعىتتارى بويىنشا بىرلەسكەن جۇمىسقا دايىنبىز»، دەدى ماۋلەن اشىمباەۆ.

سونىمەن قاتار ول پارلامەنت سەناتى قىتايلىق ارىپتەستەرىمەن ەكىجاقتى شەشىمدەردى ساراپتامالىق تۇرعىدان قولداۋ، زاڭداردىڭ ورىندالۋىن باقىلاۋ، سونداي-اق، قوعامدىق كەلىسىمدى نىعايتۋ جانە دىنارالىق ديالوگتى ىلگەرىلەتۋ سالاسىندا تاجىريبە الماسۋعا دايىن ەكەنىن تىلگە تيەك ەتتى.

سەنات توراعاسى مەملەكەت باسشىسىنىڭ باستاماسىمەن قازاقستاندا جۇرگىزىلىپ جاتقان ساياسي رەفورمالارعا دا توقتالىپ ءوتتى. اتاپ ايتقاندا، كەزدەسۋدە كونستيتۋتسياعا وزگەرىستەر مەن تولىقتىرۋلار ەنگىزۋ جونىندەگى الداعى رەسپۋبليكالىق رەفەرەندۋم جانە وعان دايىندىق بارىسى تۋرالى ءسوز بولدى.

ءوز كەزەگىندە، قىتايدىڭ حالىقتىق ساياسي كونسۋلتاتيۆتىك كەڭەسى بۇكىلقىتايلىق كوميتەتىنىڭ توراعاسى ۆان يان قازاقستاندا جۇرگىزىلىپ جاتقان رەفورمالار جونىندە وڭ پىكىرىن ءبىلدىردى. سونداي-اق قىتاي ءتۇرلى سالاداعى دوستىق پەن تاتۋ كورشىلىك قاعيداتتارى نەگىزىندە ءبىزدىڭ ەلمەن جان-جاقتى ءوزارا ءتيىمدى ىنتىماقتاستىقتى جالعاستىرۋعا دايىن ەكەنىن جەتكىزدى.

كەزدەسۋ سوڭىندا ماۋلەن اشىمباەۆ ۆان يانعا مازمۇندى ديالوگ ءۇشىن العىس ءبىلدىرىپ، ەكىجاقتى ىنتىماقتاستىقتىڭ ودان ءارى كەڭەيە بەرەتىنىنە سەنىم ءبىلدىردى.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار