قوعام • 21 مامىر، 2022

رەفورمالار حالىقتىڭ قوعامدىق-ساياسي ومىرگە بەلسەندى ارالاسۋىنا زور مۇمكىندىك بەرەدى

31 رەت كورسەتىلدى

كونستيتۋتسيالىق رەفورمالار حالىقتىڭ قوعامدىق-ساياسي ومىرگە بەلسەندى ارالاسۋىنا زور مۇمكىندىك بەرەدى، دەپ حابارلايدى Egemen.kz. بۇل پىكىردىڭ قر پارلامەنتى ءماجىلىسىنىڭ دەپۋتاتى گۇلدارا نۇرىموۆا ايتتى.

«5 ماۋسىم بارشامىز ءۇشىن ماڭىزدى كۇن بولماق. مەملەكەت باسشىسىنىڭ باستاماسىمەن قازىر ەلىمىزدە اۋقىمدى وزگەرىستەر بولىپ جاتىر. وزگەرىستەردىڭ بارلىعى «حالىق ۇنىنە قۇلاق اساتىن مەملەكەت» تۇجىرىمداماسىمەن تىعىز بايلانىستى. ويتكەنى رەفورمالار حالىقتىڭ تالاپ-تىلەگىنە ارنالعان. ەل سەنىمىنە يە بولماي، «جاڭا قازاقستان» قۇرۋ مۇمكىن ەمەس. پرەزيدەنت ۇسىنعان رەفورمالار ستراتەگيالىق ماڭىزعا يە. ەكىنشى رەسپۋبليكانى قۇرۋ جولىندا ءبىز ادالدىق پەن ادىلەتتى بولۋ قاعيدالارىن قاتاڭ ۇستانۋىمىز كەرەك»، دەدى گ. نۇرىموۆا.

وسى ورايدا ول الداعى باستى قادامدارعا توقتالدى.

«بىرىنشىدەن، ءار ادامعا تەڭ مۇمكىندىك بەرىلەدى. ياعني، جاساندى مونوپولياعا جول بەرىلمەي، حالىق اراسىندا شىنايى باسەكەلەستىك ارتاتىن بولادى. سونىمەن قاتار، اكىمدەر سايلاۋىن ەنگىزۋ ماسەلەسى دە حالىقتىڭ كوڭىلىنەن شىعىپ وتىر. بۇل اكىمدەر سايلاۋى بىلتىردان بەرى ەلىمىزدە تاجىريبەگە ەنگىزىلدى»، دەدى دەپۋتات.

«تاعى ءبىر ماڭىزدى وزگەرىس اياسىندا مەملەكەت باسشىسى جاقىندارىن باسشىلىق قىزمەتتەرگە تاعايىنداۋعا شەكتەۋ قويۋدى ۇسىندى. بۇل دەگەنىمىز، ءوز وكىلەتتىكتەرىن قىسقارتىپ، مەملەكەتىمىز سۋپەرپرەزيدەنتتىك باسقارۋدان مىقتى پارلامەنتى بار پرەزيدەنتتىك جۇيەگە كوشەدى دەگەن ءسوز. وسى رەتتە پارلامەنتتىڭ ءرولى كۇشەيىپ، دەپۋتاتتاردى سايلاۋ جۇيەسىنە دە وزگەرىستەر ەنگىزىلمەك. مىسالى، ءماجىلىس نەمەسە ءماسليحات دەپۋتاتى سايلاۋىنا قاتىسۋ ءۇشىن پارتيا مۇشەسى بولۋ مىندەتتى بولاتىن. ەندىگى كەزەكتە، مىندەتتى تۇردە پارتياعا مۇشە بولماي، دەپۋتاتتىققا سايلاۋعا ۇمىتكەر رەتىندە قاتىسا الادى. جالپى كونستيتۋتسيالىق رەفورمالار حالىقتىڭ قوعامدىق-ساياسي ومىرگە بەلسەندى ارالاسۋىنا زور مۇمكىندىك بەرەدى»، دەيدى گۇلدارا نۇرىموۆا.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار