الماتى قالاسى مەتروپوليتەنىنىڭ «باۋىرجان مومىش ۇلى» جانە «سارى ارقا» جاڭا ستانتسيالارىندا توعىز ارنالى تسيفرلى اسپاپتى-ولشەۋ جۇيەلەرى ورناتىلدى. اتالعان قۇرىلعىلار شۆەيتساريالىق «GeoSIG» فيرماسىنىڭ ءونىمى.
بۇل – الماتى قالاسىنىڭ مەترو جۇيەسىندە ورناتىلعان العاشقى سەيسميكالىق ستانتسيا. اتالعان قۇرىلعىلار جەر سىلكىنىسىن الدىن-الا بولجاۋعا مۇمكىندىك بەرىپ, ءزىلزالا كەزىندەگى كينەماتيكالىق پارامەترلەردىڭ اسپاپتىق جازبالارىن الۋعا سەپتىگىن تيگىزبەك. قۇرىلعىدان الىنعان اقپارات سەيسميكالىق اسەردىڭ ناقتى قۋاتى مەن ەرەكشەلىكتەرىن ەسكەرۋگە جانە مەتروپوليتەننىڭ جاڭا ستانتسيالارىن جوبالاۋعا ىقپال ەتەدى.
قۇرىلعىلار كۇتۋ رەجيمىندە جۇمىس ىستەيدى. ونىڭ ىسكە قوسۋ شەگى - 0.05g. اسپاپتا ىسكە قوسۋ شەگىنىڭ بولۋى - مەتروپوليتەندەگى پويىزدار قوزعالىسىنىڭ ديناميكالىق اسەرىمەن بايلانىستى.
ستانتسيالار وتكەن جىلى تەحنيكالىق تۇرعىدان ىسكە قوسىلدى. بيىل ماۋسىم ايىندا ولاردى تولىعىمەن پايدالانۋ جوسپارلانىپ وتىر. الداعى ۋاقىتتا مەتروپوليتەندەگى قۇرىلىسى ءجۇرىپ جاتقان تاعى ەكى بەكەتتە وسى سىندى سەيسميكالىق ستانتسيالاردى ورناتۋ كوزدەلگەن.
