پارلامەنت • 20 مامىر، 2022

ماۋلەن اشىمباەۆ: جاڭا قازاقستاننىڭ جاڭارۋ كوزى - جاستار

52 رەت كورسەتىلدى

كونستيتۋتسياعا ەنگىزىلەتىن وزگەرىستەر ءار ازاماتقا ءوز الەۋەتىن ىسكە اسىرۋ ءۇشىن مۇمكىندىك بەرۋدى كوزدەيدى. بۇل تۋرالى سەنات توراعاسى ماۋلەن اشىمباەۆ ايتتى، دەپ حابارلايدى Egemen.kz.

«بۇگىن جاستار ساياساتىنا قاتىستى ماسەلەنى تالقىلاۋ ءۇشىن جينالىپ وتىرمىز. بۇل قازىرگى تاڭدا ەلىمىز ءۇشىن باسىم باعىتتاردىڭ ءبىرى ەكەنى ءسوزسىز. پرەزيدەنت قاسىم-جومارت توقاەۆتىڭ باستاماسىمەن كەشەندى ساياسي وزگەرىستەر مەن كونستيتۋتسيالىق رەفورما قولعا الىندى. ونىڭ ءبارى دەموكراتيالىق-الەۋمەتتىك جانە ادىلەتتى مەملەكەت قۇرۋ ءۇشىن قابىلدانىپ جاتقان شارالار. كونستيتۋتسيامىزعا ەنگىزىلەتىن ماڭىزدى وزگەرىستەر حالىقتىڭ تاڭداۋىنا بەرىلىپ، رەفەرەندۋمعا شىعارىلىپ وتىر. بۇل وزگەرىستەر قازاقستاندىقتاردىڭ ءومىرىن جاقسارتۋدى، باسەكەلەستىككە قاجەتتى جاعداي جاساۋدى جانە ءار ازاماتقا ءوز الەۋەتىن ىسكە اسىرۋ ءۇشىن مۇمكىندىك بەرۋدى كوزدەيدى»، دەدى م. اشىمباەۆ سەناتتاعى «جاڭا قازاقستان: جاستار جانە جاڭعىرۋ» تاقىرىبىنداعى پارلامەنتتىك تىڭداۋ كەزىندە.

وسى رەتتە ول جاڭعىرۋدىڭ نەگىزگى كۇشى جانە جاڭا قازاقستاننىڭ جاڭارۋ كوزى جاستار ەكەنىن اتاپ ءوتتى.

«سوندىقتان رەفورمانىڭ تۇپكى ماقساتى دا جاستاردىڭ ءال-اۋقاتىن ارتتىرۋعا ءارى ولاردىڭ دامۋىنا جاعداي جاساۋعا ارنالعان. بۇگىندە قازاقستاندا 4 ملن-عا جۋىق جاس بار. ياعني بۇل ەلىمىزدىڭ ءاربىر بەسىنشى تۇرعىنى جاس ازامات دەگەن ءسوز. 2000-شى جىلداردىڭ ورتاسىندا جانە ەكىنشى جارتىسىندا ەلىمىزدە بالا تۋ كورسەتكىشى كۇرت ءوستى. سوندىقتان قازىر جاستاردىڭ سانى ۇنەمى ءوسىپ وتىراتىنى تۇسىنىكتى. بۇل ءۇردىس 2030 جىلعا قاراي ءوز شىڭىنا جەتەدى دەپ بولجانىپ وتىر. ارينە، مۇنىڭ ارتىقشىلىقتارى وتە كوپ»، دەدى سەنات توراعاسى.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار