ايماقتار • 20 مامىر، 2022

پروباتسيا قىزمەتكەرلەرىنەن جاسىرىنعان ەر ادام تۇرمەگە قامالدى

36 رەت كورسەتىلدى

وسكەمەن قالاسىندا پروباتسيا قىزمەتكەرلەرىنەن جاسىرىنعان ەر ادام تۇرمەگە قامالدى، دەپ حابارلايدى Egemen.kz.

شقو بويىنشا قاج دەپارتامەنتى ءباسپاسوز قىزمەتىنىڭ مالىمەتىنشە، ءوڭىر اۋماعىندا پروباتسيالىق ەسەپتە تۇرعانداردى تەكسەرۋ ماقساتىندا پروفيلاكتيكالىق شارا ءوتىپ جاتىر. سونىڭ اياسىندا پروباتسيا قىزمەتىنىڭ ماماندارى جازادان جالتارعان ادامدى قولعا ءتۇسىردى.

«بۇل سوتتالعان ازامات بۇرىن دا باس بوستاندىعىن شەكتەۋ تۇرىندەگى جازانى وتەۋ ءتارتىبىن بىرنەشە رەت بۇزعان. وسىعان بايلانىستى ونىڭ اياعىنا ەلەكتروندى بىلەزىك تاعىلىپ، قاداعالاۋ جاسالدى. سوعان قاراماستان ەر ادام تالاپقا باعىنبادى»، دەدى دەپارتامەنتتىڭ سول جاعالاۋ اۋداندىق پروباتسيا قىزمەتىنىڭ اعا ينسپەكتورى گۇلجان تاتكەنوۆا.

ەلەكتروندى بىلەزىكتىڭ كومەگىمەن ۇستالعان ول سوت پروتسەسىنە جەتكىزىلدى. سوت شەشىمىمەن ونىڭ باس بوستاندىعىن شەكتەۋ تۇرىندەگى جازاسى باس بوستاندىعىنان ايىرۋعا اۋىستىرىلدى. ەندى ەر ادام 7 اي تۇرمەدە وتىرادى.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار