ايماقتار • 20 مامىر، 2022

سقو-دا جەلشەشەك جۇقتىرعاندار كوبەيدى

21 رەت كورسەتىلدى

بيىل سولتۇستىك قازاقستان وبلىسىندا جەلشەشەك جۇقتىرعاندار كۇرت ارتتى. وتكەن جىلمەن سالىستىرعاندا اۋىرعاندار سانى 2،3 ەسە وسكەن، دەپ حابارلايدى Egemen.kz.

سقو سانيتاريالىق-ەپيدەميولوگيالىق باقىلاۋ دەپارتامەنتى ءباسپاسوز قىزمەتىنىڭ مالىمەتىنشە، جىل باستالعالى جەلشەشەكتى جۇقتىرۋدىڭ 712 جاعدايى تىركەلگەن. وتكەن جىلدىڭ ۇقساس كەزەڭىمەن سالىستىرعاندا بۇل 2،3 ەسە كوپ. اۋىرعانداردىڭ باسىم بولىگى - 14 جاسقا دەيىنگى بالالار، ياعني 635 جەتكىنشەك جەلشەشەك جۇقتىرعان.

جالپى جەلشەشەك - اۋا-تامشى ارقىلى تارالاتىن، دەنە قىزۋىن كوتەرىپ، بورتپە شىعاتىن ءجىتى ينفەكتسيالىق اۋرۋ. ۆيرۋس اۋرۋ ادامنان جۇعادى، سوندىقتان اۋرۋ باستالعاندا ساۋ ادامدارمەن بايلانىستى شەكتەۋ وتە ماڭىزدى. سوندىقتان ءسىز نەمەسە بالاڭىز اۋىرىپ قالسا، مەكتەپكە، بالاباقشاعا نەمەسە جۇمىسقا بارماعان دۇرىس.

ينكۋباتسيالىق كەزەڭ 10-نان 21 كۇنگە دەيىن سوزىلادى. اۋرۋ باستالعاندا الدىمەن دەنە تەمپەراتۋراسى 39-40 گرادۋسقا دەيىن كۇرت كوتەرىلىپ، باس اۋىرادى. جەلشەشەكتىڭ ەڭ ايقىن بەلگىسى – بورتپە شىعىپ، ونىڭ قىشۋى. ۇيدە قىشىما پايدا بولعانشا دەيىن وتىرۋ كەرەك، بۇل تەرىدە ۆيرۋستىڭ جوقتىعىنىڭ بەلگىسى. ادەتتە ول داقتار شىققاننان كەيىن 5 كۇننەن سوڭ پايدا بولادى.

«جەلشەشەكپەن اۋىرعاندا كوبىرەك سۇيىقتىقتى - سۋ، شاي، شىرىندار جانە جەڭىل سورپالاردى ىشكەن دۇرىس. ەگەر اۋىرسىنساڭىز جانە ۇيىقتاي الماساڭىز، پاراتسەتامولدى قولدانىڭىز. كىشكەنتاي بالانىڭ تىرناقتارىن الىپ، اسىرەسە تۇندە ول ءوزىن تىرناپ الماۋى ءۇشىن قولىنا قولعاپ كيگىزىڭىز. قىشىنۋدان بالالارعا انتيگيستاميندى پرەپاراتتاردى بەرۋگە بولادى. گيگيەناعا كەلەتىن بولساق، جىلى، بىراق ىستىق ەمەس دۋش قابىلداعان دۇرىس، سودان كەيىن تەرىنى قۇرعاتىپ، بورتپە جازىلعانشا بوس كيىم كيگەن ءجون»، دەيدى سانيتار دارىگەرلەر.

مامانداردىڭ ايتۋىنشا، ەڭ باستىسى – جارانىڭ بەتىن اشپاۋ، تىرناماۋ. تىرتىقتار قالىپ قويماۋى ءۇشىن تەرىگە تيىسپەگەن ماڭىزدى. ەگەر دەنە قىزۋى 39 گرادۋستان اسسا، بورتپە پايدا بولسا، دارىگەرگە شۇعىل تۇردە حابارلاڭىز. سونداي-اق، ەگەر بالا ءوزىن ناشار سەزىنسە دارىگەرگە كورسەتىڭىز. بالالاردا جەلشەشەك ەرەسەكتەرگە قاراعاندا جەڭىل وتەدى. جەلشەشەكپەن اۋىرعان ادامداردا وسى ينفەكتسياعا ومىرلىك يممۋنيتەت قالىپتاسادى. الايدا يممۋنيتەت ءالسىز بولسا قايتا ينفەكتسيا جۇقتىرۋ قاۋپى بار.

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار