ەلى ەسكەندىرىن ەسكە الدى

ء«ار ءانىمدى جازعان سايىن ءانىم ەلگە تاراي ما, انسۇيەر قاۋىمنىڭ قۇلاعىنا جاعا ما دەگەن ويعا تۇسەمىن. كەيدە وزىمە ۇناسا, حالىققا دا ۇنار دەپ قويا­مىن...». كوزى تىرىسىندە وسىلاي دەپ تول­عانعان كومپوزيتوردى جۇرەگى استە الدا­ماپتى. سەزىمىن جارىپ شىققان سىر­لى اندەرىنىڭ قاي-قايسىسى دا تال­­عامپاز تىڭدارمانى – حالقىنىڭ كوڭى­لىنەن شىعىپ, ءار تۋىندىسى ءان­ۇران­داي ەل اۋزىنان تۇسكەن ەمەس.

زالعا ينە شانشىر ورىن قال­دىرماي سازگەر رۋحىنا تاعزىم ەتە كەلگەن قالىڭ قاۋىم ەسكەندىر حاسانعاليەۆتىڭ ەركە سەزىمگە تولى ەستى اندە­رىن انشىلەرمەن قوسىلا شىر­قاپ, كونتسەرتتىڭ كورىگىن قىز­دىردى. ەسترادا انشىلەرى قازاق­ستاننىڭ حالىق ءارتىسى روزا رىم­باەۆانىڭ ورىن­داۋىنداعى «ادە­مى-اۋ», جەڭىس ىسقاقوۆا شىرقاعان «اسىل ارمان», گۇل­نۇر ورا­زىم­بەتوۆا ايتقان «ال­ماتىنىڭ الماسى», «مۇزارت» توبى شىرقاعان «اناعا سا­لەم», «ەسىڭە ال», مەدەت سالى­قوۆ پەن كلا­را تولەنباەۆا توگىلت­كەن «ەلىگىم-ەركەم» جانە تاعى دا باسقا اۋەزدى اندەر حا­سان­عاليەۆتىڭ ماڭگىلىككە بەت بۇرعان ەكىن­شى عۇمىرىنىڭ باستالعانىن پاش ەتكەندەي.

– قۇرمەتتى حالقىم! وسى كەشكە جينالىپ, بويىنداعى بارىن حالقىنا ارناعان ەس­كەن­دىر حاسانعاليەۆتى ەسكە الىپ, رۋحىنا تاعزىم ەتە كەلگەن بار­شاڭىزعا باسىمدى ءيىپ, زور العىسىمدى بىلدىرەمىن. ەلى باردا, ءاندى جۇرەگىمەن تۇسىنەر ەستى تىڭدارمانى باردا ەسكەندىردىڭ ەسىمى ماڭگى جاسايدى. ومىردەن وتكەنىنە ءبىر جىل تولدى. حال­قىنىڭ سۇيىكتى كومپو­زي­تورىن ساعىنعانىن كورىپ ەرەكشە تولقىپ وتىرمىن. راحمەت سىز­دەرگە, – دەپ سازگەردىڭ ارتىندا قالعان سۇيىكتى جارى داريكو سو­پىجانقىزى جينالعان جۇرت­شىلىققا ريزاشىلىعىن ءبىلدىرىپ, كەشتى ۇيىمداستىرعان نۇر-سۇلتان قالالىق اكىمدىگىنە, قالا اكىمى التاي كولگىنوۆكە العى­سىن جەتكىزدى.

ەسكەندىر حاسانعاليەۆتى ەسكە العان كەشتىڭ تاعى ءبىر ەرەكشەلىگى – كونتسەرتتە كومپوزيتوردىڭ ۇلى ءبىرجان مەن نەمەرەسى نۇرسۇلتان اتاسىنىڭ ايگىلى «ايىم بولىپ تۋدىڭ با؟» ءانىن قوسىلا شىرقاپ, كورەرمەننىڭ قوشەمەتىنە بولەندى. ساحناعا العاش شىققان نۇرسۇلتاننىڭ ونەرى جۇرتشىلىقتى ءتانتى ەتىپ, اتا جولىن قۋعان بالانىڭ بولاشاعى زور ءۇمىت كۇتتىرەتىنىن دە ايقىن اڭعارتتى. كونتسەرت حالقىمىزدىڭ بەيرەسمي ءان­ۇرانىنا اينالعان رۋح­تى دا قۋاتتى «اتامەكەن» انى­مەن تۇيىندەلدى. كەشكە قاتى­سۋشىلارمەن قوسىلا شىرقاعان كورەرمەن داۋسى ساحناداعى انشىلەر ءۇنىن كومىپ كەتتى. بۇل – قازاقتىڭ ءبىرتۋار پەرزەنتى, رۋحتى ۇلى, سۇيىكتى كومپوزيتورىنا دەگەن حالقىنىڭ وشپەس, ولمەس ماڭگىلىك ساعىنىشى ەدى...