مەديتسينا • 20 مامىر، 2022

وزىق رەانيماتسيالىق جابدىقتارعا قول جەتكىزەدى

26 رەت كورسەتىلدى

جۋىردا ەلىمىزدىڭ التى وبلىسىنىڭ پەريناتالدىق ورتا­لىق­تارى مەن الماتى قالاسىنداعى رەسپۋبليكالىق اكۋشەرلىك، گينەكولوگيا جانە پەريناتولوگيا عىلىمي ورتالىعى رەانيماتسيادا جاڭا تۋعان شارانالاردىڭ ءومىرىن ساقتاپ قالۋعا ارنالعان زاماناۋي اپپاراتتىق گيپوتەرميا كەشەندەرىمەن جابدىقتالادى.

تالدىقورعان، ورال، وسكە­مەن، اقتاۋ جانە شىمكەنت قالا­لارىنىڭ 5 مەديتسينالىق ورتا­لىعىن جاراقتاندىرۋدى «Sam­ruk-Kazyna Trust» الەۋ­مەتتىك جوبالاردى دامىتۋ قورى قارجى­لاندىرسا، قالعان قاراجاتتى ء«ومىر سىيلايىق» بىرلەسكەن جوباسى اياسىندا AYALA قايىرىم­دىلىق قورى جينادى.

قاراعاندى قالاسىنىڭ وب­لىس­تىق اۋرۋحاناسىندا بىرلەس­كەن قاناتقاقتى جوبا ساتىمەن جۇزەگە اسقاننان كەيىن، «Samruk Kazyna Trust» الەۋمەتتىك جوبالاردى دامىتۋ قورى ەلىمىزدىڭ پەريناتالدىق ورتالىقتارىن اۆتو­ماتتى گيپوتەرميا جانە امپلي­تۋ­دالىق ەلەكتر ەنتسەفالو­گياسى اپپاراتتارىمەن قامتا­ماسىز ەتۋ جونىندەگى باستامانى جالعاستىرۋعا ۋاعدالاستى.

مەديتسينالىق ورتالىقتار بىرنەشە كورسەتكىش بويىنشا، ياعني بوسانۋ كەزىندەگى اسفيك­سيادا مەحانيكالىق گيپوتەرميانى (سالقىن سۋ نەمەسە مۇز سا­لىنعان پاكەتتەر نەمەسە مە­دي­تسينالىق قولعاپتار) قول­دانۋ جاعدايلارىنىڭ سانى مەن اۆتو­ماتتى گيپوتەرميا اپپارات­تا­رىنىڭ بولماۋىنا قاراي داع­دىلانعان. بۇل ءۇشىن AYALA قورى 2021 جىلى بارلىق وب­لىس­تىق دەنساۋلىق ساقتاۋ باس­قار­ماسىمەن جۇمىس ىستەپ، جوبا­نى قورعاۋ ءۇشىن قاجەتتى اق­پاراتتى رەسمي تۇردە جينادى. ناتيجەسىندە، 22 پەريناتالدىق ورتالىقتىڭ ءتىزىمى جاسالعان. مەحانيكالىق گيپوتەرميانى ەڭ كوپ قولداناتىن العاشقى جەتەۋى بيىل 2022 جىلدىڭ 3 توقسانىندا جابدىقتارىن الادى.

«وزدەرىڭىزگە بەلگىلى، 2021 جى­لى قاراعاندى پەريناتال­دىق ورتالىعى زاماناۋي قۇرال-جابدىقتارمەن جابدىقتالىپ، ءبىر جىل ىشىندە 11 جاڭا تۋعان بالانىڭ ءومىرى مەن دەنساۋلىعىن قورعاپ قالدى. ءبىز مۇنى تاماشا ناتيجە دەپ ەسەپتەيمىز. ويتكەنى ءاربىر بالانىڭ ءومىرى ەلى­مىزدىڭ بولاشاعى ءۇشىن وتە ما­ڭىزدى. بيىل 5 ايماققا قۇ­رال-جابدىقتار ساتىپ الۋ ءۇشىن قارجىلاي قولداۋ كورسەتتىك. سە­بەبى بۇل وڭىرلەردە نارەستەلەر ءولىم-ءجىتىمىنىڭ دەڭگەيى مەن بالالار رەانيماتسياسىن الدىڭعى قاتارلى مەديتسينالىق تەحنيكامەن قامتاماسىز ەتۋ ماسەلەسى وزەكتى. قازىرگى زامانعى اپپا­راتتار وسى مەديتسينالىق ورتا­لىقتاردىڭ دارىگەرلەرىنە بۇرىن­عىدان دا كوپ بالانىڭ ءومىرىن قۇتقارۋعا كومەكتەسەدى دەپ ۇمىت­تەنەمىز. جالپى، بىلتىر 7 ملرد تەڭگەدەن استام سوماعا 32 اۋقىم­دى الەۋمەتتىك جوبانى جۇزەگە اسىردىق جانە جارتى ملن-نان اسا ادامعا كومەك كورسەتتىك»، دەيدى «Samruk-Kazyna Trust» الەۋمەتتىك جوبالاردى دامىتۋ قورىنىڭ باس ديرەكتورى الفيا اديەۆا.

اتالعان قور قازاقستاندا بالا ءولىمى مەن مۇگەدەكتىگىن ازاي­­­تۋدا مەملەكەتكە كومەك كور­­سەتۋ ءۇشىن 15 جىلدان بەرى ماق­ساتتى تۇردە جۇمىس ىستەپ كەلەدى. قاراجات جيناپ، دەمەۋ­شىلەر­دى تارتۋ ارقىلى قور بالالار جانساقتاۋ بولىمشەلەرىن زاما­ناۋي مەديتسينالىق جاب­دىق­تار­مەن قامتاماسىز ەتە وتىرىپ، قازاقستاندىق نەوناتولوگ دارىگەرلەردىڭ بىلىكتىلىگىن ارتتىرۋعا كومەكتەسەدى. ماسە­­لەن، 2017 جىلى AYALA قازاق­ستان­­دا العاش رەت اۆتوماتتى گيپو­تەرميانى سىناقتان وت­كىز­گەن ­ەدى. گيپوتەرميا اپپارا­تى ورتا ­جانە جوعارى اۋىر­لىق­تاعى ­اسفيك­سيامەن تۋعان نا­رەس­تەلەردىڭ ءومىرى مەن اقىل-ەسىن ساقتاپ قالۋعا كومەكتەسەدى. بوسانۋ با­رى­سىنداعى تۇنشىعۋ، وتتەگى جە­تىسپەۋشىلىگىنەن ەڭ الدى­مەن مي جاسۋشالارىن زاقىم­­داي­تىندىقتان، مۇگەدەكتىككە دۋ­شار ەتۋى مۇمكىن. ال اۆتومات­تى ­گيپوتەرميا نارەستەنىڭ دەنە­­سىن بىرتىندەپ سالقىنداتىپ، اعزا­داعى الماسۋ پروتسەستەرىن قا­لىپقا كەلتىرۋگە كومەكتەسەدى. تۋ­عاننان كەيىنگى ءبىرىنشى ساعات­تا گيپوتەرميانى قولدانۋ ورتا­لىق جۇيكە جۇيەسىن قايتىمسىز زاقىمدانۋدان قۇتقارۋعا قابى­لەتتى، وتە قيىن جاعدايلاردا بۇل جاڭا تۋعان شارانانىڭ شەتى­نەۋىنە اكەپ سوعادى.

ء«بىز العاش رەت اۆتوماتتى گيپوتەرميا اپپاراتتارى تۋرالى پروفەسسور ارۋناس ليۋبشيستەن بىلدىك. ول ءبىزدىڭ قوردىڭ شاقى­رۋىمەن قازاقستاندىق نەو­ناتولوگ دارىگەرلەردى جاڭا تۋ­عان بالالارعا كۇتىم جاساۋدىڭ جاڭا تاجىريبەلەرىنە ۇيرەتكەن. ەۋروپالىق وداق ەلدەرىندە بۇل اپپا­راتتار مەحانيكالىق گيپو­تەر­ميانىڭ ورنىنا الدەقا­شان كەلدى. 5 جىل ىشىندە ءبىز قازاق­­ستاننىڭ پەريناتالدىق ورتا­لىقتارىندا 7 اپپاراتتىق كەشەن ورناتتىق. وسى ارقىلى جاڭا تۋعان 205 نارەستە اجالدان امان قالدى. بىراق بۇل بالالاردىڭ مي قىزمەتىن ساقتاپ قالۋى دا ماڭىزدى. بۇل دەگەنىڭىز ولار ءوسىپ، دامىپ، وقىپ، فۋنكتسيونالدى تۇردە ساۋ بولا الادى دەگەن ءسوز»، دەيدى AYALA قوعامدىق قورىنىڭ پرەزيدەنتى ايدان سۇلەيمەنوۆا.

گيپوتەرميا كەشەنىنە اۆتوماتتى گيپوتەرميا اپپاراتى جانە امپليتۋدالىق ەلەكترەنتسەفالوگرافيا مونيتورى كىرەدى. بۇل دارىگەرلەرگە جاڭا تۋعان نارەستەلەردى قۇتقارۋ جانە ەمدەۋ ءۇشىن قولدانىلاتىن تەراپيانى باقىلاۋعا جانە ءتيىمدى تۇزەتۋگە مۇمكىندىك بەرەدى. بۇعان قوسا جابدىقتاردى ورناتقاننان كەيىن قور دارىگەرلەردى پراكتيكادا جاڭا اپپاراتتاردى دۇرىس قولدانۋ بويىنشا وقىتادى. AYALA قورىنىڭ باعالاۋىنشا، بىرنەشە جىل بويى جۇرگىزىلگەن مۇنداي ءتاسىل جۇزدەگەن بالانىڭ ءومىرىن ساقتاپ قالۋعا مۇمكىندىك بەرەدى.

وسى ۋاقىتقا دەيىن ء«ومىر سىيلايىق» جوباسى سياقتى باس­قا دا باستامالار اياسىنداعى AYALA قورى ەلدەگى 67 دەن­ساۋ­لىق ساقتاۋ مەكەمەسىنە 2،2 ملرد تەڭگە سوماسىنا 1 100-دەن اسا رەا­­نيماتسيالىق مەديتسينالىق قۇرال-جابدىقتاردى تاپسىردى. قازاقستاندا دارىگەرلەر تەگىن كۋرس­تاردا بىلىكتىلىگىن ارتتىرۋ كە­­ز­ىندە العان وسى جابدىقتار مەن ءبىلىم­­نىڭ ناتيجەسىندە 200 مىڭنان اسا بالانىڭ ءومىرى ۇزاردى.

 

الماتى

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار