رەفەرەندۋم-2022 • 20 مامىر، 2022

جۇمىلعان جۇدىرىقتاي قاتىسۋىمىز كەرەك

33 رەت كورسەتىلدى

ەل پرەزيدەنتى قاسىم-جومارت توقاەۆ قازاقستان حالقىنا ارناعان «جاڭا قازاقستان: جاڭارۋ مەن جاڭعىرۋ جولى» اتتى جولداۋىندا تاۋەلسىز قازاقستاننىڭ دامۋىنا نەگىز بولاتىن ساياسي رەفورمالار پاكەتىن جاريالاعان بولاتىن.

قاسىم-جومارت توقاەۆ قازاق­­ستاننىڭ جۇيەلى ترانس­فورما­­تسياسىنا ىقپال ەتەتىن جانە مەم­لەكەتتىڭ ۇزاق مەرزىمدى دامۋى­نىڭ جاڭا پاراديگماسىن اي­قىن­دايتىن ساياسي رەفورمالار­دىڭ بىرنەشە باسىم باعىتىنا ايرىقشا توقتالعانى ءمالىم.

ەل دامۋىنا قاتىستى ءىرى وزگە­رىستەر بىرنەشە باعىتتان تۇرا­دى. ساياسي جۇيەنى تەرەڭ دەموكراتيا­لاندىرۋ، سۋپەرپرەزيدەنتتىك باس­قارۋ فورماسىنان كۇشتى پار­لامەنتى بار پرەزيدەنتتىك رەس­پۋب­­ليكاعا تۇپكىلىكتى كوشۋ قا­جەتت­ىگىن پرەزيدەنت ايرىق­شا اتاپ ءوتتى. سونداي-اق پرەزي­دەنت­تىڭ وكى­لەتتىكتەرىن بەلگىلى ءبىر دەڭگەي­دە شەكتەۋ، پارلامەنتتىڭ ەكى پا­لاتاسىنىڭ قىزمەتىن قايتا فور­مات­تاۋ جانە ءماجىلىستىڭ ءرولىن كۇ­شەيتۋ، كونستيتۋتسيالىق سوت قۇرۋ سەكىلدى وزگە دە ماڭىز­دى ماسەلەلەر كۇن تارتىبىندە تۇرعانى ايان.

سايلاۋ جۇيەسىن دەموكراتيا­لاندىرۋ – ارالاس پروپورتسيو­نالدى-ماجوريتارلىق مودەلگە كوشۋ جانە پارتيالاردى تىركەۋ پروتسەسىن ودان ءارى ىرىقتاندىرۋ كەرەكتىگى دە نازاردان تىس قالمادى.

ءبىر انىعى، ساياسي رەفورمالار پاكەتى ەلىمىزدى جاڭا بيىك­تەرگە باستايتىن بولادى. ەندى كونستيتۋتسيانىڭ 33 بابىنا (31 باپقا جانە 2 جاڭا باپپەن تولىقتىرۋ) تۇزەتۋلەر ەنگىزىلمەك. تۇسىنە بىلگەن ادامعا بۇل قادام ءمانى زور جاڭارۋ پروتسەسى ەكەنى راس.

قاسىم-جومارت توقاەۆ قازاق­ستان حالقىنا ارناعان ۇندەۋىن­دە 5 ماۋسىم كۇنى جالپىحالىقتىق رەفەرەندۋم وتكىزەتىنىن رەسمي تۇردە مالىمدەدى. راسىندا دا بۇل – وتە جاۋاپتى قادام. كونس­تيتۋتسيامىزدىڭ ۇشتەن ءبىر بو­لىگى وزگەرەتىنى بەلگىلى. پرە­زي­دەنت وسىناۋ جاۋاپتى قا­دامعا قازاقستان حالقى تولىق­تاي ءۇن قاتقانىن قالايدى. رەفە­رەندۋم وتكىزۋ ارقىلى ءبىز دەمو­كراتيالىق ۇردىستەردى ودان ارمەن جاڭعىرتا تۇسەمىز. ەڭ باستىسى، بۇل باستاما قازاقستان حالقىنىڭ پرەزيدەنتكە دەگەن سەنىمىن ەسەلەيدى. ولار ەل دامۋىنداعى جاڭا ءارى باتىل باستاماعا قاتىستى ءوز ويلارىن اشىق بىلدىرە الادى.

ەلىمىزدە بولىپ جاتقان بار­لىق ساياسي رەفورما، وزگە­رىس­ ادىلەتتى قوعام قۇرۋ پرو­تسە­سىن­دە ماڭىزدى رولگە يە بولا­تى­­نى داۋسىز. سول سەبەپتى دە بار­­لىق ساياسي وزگەرىس ءبىزدى بەي­جاي قالدىرمايدى. قالاي الىپ قاراساق تا، بۇل ىستە جۇرت بو­لىپ جۇمىلا بىلگەن ءلازىم. ەلى­مىزدەگى باتىل باستاما­نىڭ وزەگى پرە­زيدەنتتىڭ وكىلەتتىلىك­تەرىن كۇ­شەيتۋگە ەمەس، ىقپالدى پار­لا­مەنت قۇرۋ ارقىلى قوعام ءۇنىن ەسكە­رەتىن ۇكىمەتتى قالىپ­تاس­تىرۋ­دىڭ العىشارتى بولاتىنى ءمالىم.

جاڭا قازاقستاندى قالىپتاس­تىرا­تىن جاڭا كەزەڭ كەلىپ جەتتى. بۇل رەتتە ءبىز «ەكىنشى رەسپۋب­لي­كا»، «جاڭا قازاقستان» ۇعىم­دار­ى­نا ايرىقشا نازار اۋدارعا­نى­مىز ابزال. الداعى ۋاقىتتا جۇرت­­شىلىق تىڭ ساياسي رەفورما­لار ارقىلى دامۋدىڭ جاڭا بەلە­سىنە ۇمتىلعان قازاقستاننىڭ قارىش­تى قادامىنا كۋا بولاتىنى داۋسىز.

رەفەرەندۋم – حالىقتىڭ پىكى­رى­مەن ساناسۋ، جۇرتشىلىقتىڭ كوكەيىندەگى ماسەلەلەردى زەردەلەۋ. سوندىقتان رەفەرەندۋمعا قازاقستان حالقى جۇمىلعان جۇ­دى­رىقتاي اتسالىسقانى دۇرىس.

 

نۇرجان جەتپىسباەۆ،

Amanat پارتياسى جاستار قاناتىنىڭ توراعاسى

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار