رەفەرەندۋم-2022 • 20 مامىر، 2022

«بىزگە تەڭ مۇمكىندىكتەر قاجەت» – دەيدى ەلوردالىق جاستار

76 رەت كورسەتىلدى

Astana IT ۋنيۆەرسيتەتىندە كونستيتۋتسيالىق رەفورمالار بويىنشا رەسپۋبليكالىق قوعامدىق قولداۋ شتابىنىڭ مۇشە­لەرى ەلوردالىق جاستار بىرلەستىكتەرى وكىلدەرىمەن كەزدەستى.

جيىنعا قاتىسۋشىلار كونس­تي­تۋتسيانىڭ ەل دامۋىنداعى ءرولى مەن كونستيتۋتسيالىق رەفور­مانىڭ جاڭا قازاقستاندى قۇرۋ­داعى ماڭىزدىلىعىن تالقىلاپ، وزدەرىنىڭ بەلسەندى ازاماتتىق ۇستانىمدارىن ءبىلدىردى. ەلوردا جاستارى كوكەيكەستى ماسەلەلەردى قوزعاپ، ۇسىنىستارىن دا جەتكىزدى.

كەزدەسۋگە رەسپۋبليكالىق ەرىك­تى­لەر فرونت-ءوفيسى جوبا­سى­نىڭ ۇيلەستىرۋشىسى ايبەك دوسىم­بەتوۆ، قازاقستاننىڭ ەكولو­گيا­لىق ۇيىمدارى قاۋىمداستى­عىنىڭ مەملەكەتتىك ورگاندارمەن بايلانىس جونىندەگى مەنەدجەرى الىشەر قۇمارعاليەۆ، Birgemiz رەسپۋبليكالىق ۆولونتەرلىك فرونت-ءوفيسىنىڭ ۇيلەستىرۋشىسى پەريزات قايراتقىزى، قازاق­ستان ستۋدەنتتەرى اليانسىنىڭ اتقا­رۋشى ديرەكتورى ازات تەڭگە­باەۆ سەكىلدى بەلسەندى جاستار قاتىس­تى. ولار وسى رەتتە دە ەلىمىزدىڭ قوعامدىق-ساياسي ومىرىنە بەلسەنە ارالاساتىنىن دالەلدەپ، جيىندا وي-پىكىرلەرىن ەركىن ءبىلدىردى.

«جاستارعا وزگەرىستەر مەن دەموكراتيا قاجەت. ءبىز باسقا بۋىنبىز جانە تاۋەلسىز ەلدە ءومىر ءسۇرىپ جاتىرمىز. بوستاندىقتىڭ نە ەكەنىن بىلەمىز جانە تۇسىنەمىز، ءوز الەۋەتىمىزدى، ارمانىمىزدى جۇزەگە اسىرۋ ءۇشىن بىزگە تەڭ مۇمكىندىكتەر قاجەت. وسىعان بايلانىستى پرەزيدەنت بيىلعى قازاقستان حالقىنا جولداۋىندا تۇبەگەيلى جاڭا كونستيتۋتسيالىق تەپە-تەڭدىكتى قالىپتاستىرۋ مىن­دەتىن قويدى. ەلدىڭ ساياسي جۇ­يەسىن جاڭارتۋ مەن جاڭعىرتۋ جولى قوعام مەن ەل ومىرى­نە جان-جاقتى ىقپال ەتەدى، ال جاڭا قازاقستان مەن ەكىنشى رەس­پۋب­ليكا جاڭا تاسىلدەردى تالاپ ەتەدى. وسى­عان بايلانىستى بارشا­ڭىز­دى، اسىرەسە، جاستاردى 5 ماۋ­سىم­­دا رەفەرەندۋمعا بارىپ، جاڭا قازاقستان ءۇشىن داۋىس بەرۋ­گە شا­قىرامىن»، دەدى ازات تەڭگەباەۆ.

قازاقستان حالقى اسسامبلەيا­سىنىڭ «ەل بىرلىگى – جاڭارعان قازاقستاننىڭ تىرەگى» اتتى ءحححى سەسسياسىندا مەملە­كەت باسشىسى قاسىم-جومارت توقاەۆ اتا زاڭعا وزگەرىستەر مەن تولىق­تىرۋ­لار ەنگىزۋ جونىندە رەسپۋب­ليكالىق رەفەرەندۋم وتكىزۋدى ۇسىنعان بولاتىن. جاستار مەم­لەكەت باسشىسىنىڭ ءاربىر باستاما­سىن ونىڭ ىشىندە رەفەرەندۋمدا قامتىلعان ماسەلەلەردى قول­دايتىنىن ءبىراۋىزدان جەتكىزدى.

 

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار