بۇگىن سەناتتا تىلشىلەر قارجى مينيسترىنەن تەمەكىگە جانە قۇرامىندا قانتى بار سۋسىندارعا اكتسيزدەر ەنگىزۋگە قاتىستى سۇراق قويىلدى.
«2024 جىلعا دەيىن تەمەكىگە اكتسيز مولشەرلەمەسىن 35 ەۋروعا كوتەرۋدى جوسپارلاپ وتىرمىز. ياعني مىڭ دانا تەمەكىگە شامامەن 16 مىڭ تەڭگە بولادى. بۇل رەتتە ەسەپتەپ كورسەك, ءبىر قوراپ تەمەكى ءۇشىن 300-350 تەڭگە شىعادى», دەدى ەرۇلان جاماۋباەۆ.
بۇدان بولەك ول قۇرامىندا قانتى بار سۋسىندارعا قاتىستى ۇكىمەت دەڭگەيىندە تالقىلاۋ ءجۇرىپ جاتقانىن ايتتى.
«وسى ورايدا تالقىلاۋلار قورىتىندىسى بويىنشا ءتيىستى مالىمەتتى جاريالاپ, پارلامەنتكە كەلەمىز. ءبىز ءۇشىن ءتيىستى تەڭگەرىمدى ساقتاۋ كەرەك, ياعني ۇلت دەنساۋلىعى باستى ماسەلە بولىپ سانالادى. سونىمەن قاتار, كاسىپورىندار دا زارداپ شەكپەۋى كەرەك, بۇل كاسىپپەن شاعىن جانە ورتا بيزنەس اينالىسادى. سوندىقتان وسىنىڭ بارلىعىن ەگجەي-تەگجەيلى پىسىقتايمىز», دەدى ەرۇلان جاماۋباەۆ.
بۇدان بۇرىن حابارلانعانداي, تەمەكى بويىنشا كەلىسىم راتيفيكاتسيالانعان جانە 2024 جىلعا قاراي مىڭ دانا تەمەكىگە اكتسيز تەڭگەلىك ماندە 35 ەۆروعا دەيىن ارتادى.
ايانا توعانبەك
