قازاقستان • 19 مامىر، 2022

تەلەۆيزيالىق بايقاۋ جەڭىمپازدارى انىقتالدى

Qazaqstan تەلەراديوكورپوراتسياسى جازۋشى-پۋبليتسيست، ونەرتانۋشى، تەلەۆيزيا قايراتكەرى كامال سمايىلوۆتىڭ 90 جىلدىعىنا جانە تەلەجۋرناليست، جازۋشى، قوعام قايراتكەرى ساعات اشىمباەۆتىڭ 75 جىلدىعىنا وراي ۇيىمداستىرىلعان «جالىن» تەلەۆيزيالىق جاستار بايقاۋىنىڭ قورىتىندىسىن جاريالادى.

Egemen Qazaqstan

2022 جىلعى 15 ساۋىردەن باستاپ كونكۋرسقا رەسپۋبليكالىق، ايماقتىق تەلەارنالاردان، اقپاراتتىق اگەنتتىك جۋرناليستەرىنەن، جوعارى وقۋ ورىندارىنىڭ ستۋدەنتتەرىنەن ءتۇرلى جانردا 60-قا جۋىق شىعارماشىلىق جۇمىس كەلىپ ءتۇستى. تەلەراديوكورپوراتسيا تاراپىنان ارنايى قۇرىلعان كوميسسيا 4 ۇمىتكەردىڭ جۇمىسىن ۇزدىك دەپ تانىدى.

ءار اتالىم بويىنشا بايقاۋ جەڭىمپازدارى:

«ۇزدىك دەرەكتى فيلم» اتالىمى بويىنشا كامال سمايىلوۆ اتىنداعى جۇلدەنى Kokshe kontent اقپارات اگەنتتىگىنىڭ ءتىلشىسى ۇلان زەينەلقابدەن يەلەندى («قاراعاندى لاگەرى – قارا تاڭبا» دەرەكتى ءفيلمى);

«ۇزدىك رەجيسسەرلىك جۇمىس» اتالىمى بويىنشا كامال سمايىلوۆ اتىنداعى جۇلدەمەن ت.جۇرگەنوۆ اتىنداعى ونەر اكادەمياسىنىڭ III كۋرس ستۋدەنتتەرى انەل ورازگەلدى جانە زەرە امانگەلدينوۆا ماراپاتتالدى («بەيسەن قۇرانبەك» دەرەكتى ءفيلمى);

«ۇزدىك اۆتورلىق باعدارلاما» اتالىمى بويىنشا ساعات اشىمباەۆ اتىنداعى جۇلدەنى Turkistan تەلەارناسىنىڭ ءتىلشىسى ايدوس يگىلىكوۆ يەلەندى («جەدەل جەلى» باعدارلاماسى «اباقتىداعى ارۋ» شىعارىلىمى);

«ۇزدىك سيۋجەت» اتالىمى بويىنشا ساعات اشىمباەۆ اتىنداعى جۇلدەنى ساتباەۆ قالالىق Aqsham تەلەارناسىنىڭ ءتىلشىسى ەركەناز شوقان يەلەندى. ء(«تول جۋرناليستيكانىڭ قامالى» سيۋجەتى»);

ۇزدىك شىققان جوبا يەگەرلەرى 500 مىڭ تەڭگە قارجىلاي سىيلىقپەن ماراپاتتالدى.

ء«بىزدىڭ ماقساتىمىز – جاس جۋرناليستەر اراسىندا قازاق تەلەۆيزياسىنىڭ باستاۋىندا تۇرعان تۇلعالار ەسىمىن ۇلىقتاۋ جانە جاس ارىپتەستەرىمىزدىڭ شىعارماشىلىعىنا قولداۋ كورسەتۋ. ۇزدىك دەپ تانىلعان جۇمىستاردىڭ نەگىزىندە كامال سمايىلوۆ پەن ساعات اشىمباەۆ كەزىندە ءاربىر اۆتورلىق جوباسىندا كوزدەگەن ۇلتتىق ماقسات-مۇددە جاتىر. اربىرىندە ءبىر تاقىرىپ ارقىلى اۋقىمدى ماسەلە قامتىلعان. كەلىپ تۇسكەن جۇمىستاردى ىرىكتەۋدە تەحنيكالىق جانە شىعارماشىلىق ىزدەنىستەن بولەك، وسى جايتتارعا ءمان بەرىلدى»، – دەدى باسقارما ءتورايىمى ءلاززات تانىسباي.

تەلەۆيزيالىق «جالىن» جاستار كونكۋرسى Qazaqstan تەلەراديوكورپوراتسياسىنىڭ باستاماسىمەن العاش رەت ۇيىمداستىرىلىپ وتىر.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز