ايماقتار • 18 مامىر، 2022

قارقارالى مەكتەبىنە زاماناۋي بيولوگيا كابينەتى سىيعا تارتىلدى

40 رەت كورسەتىلدى

قارقارالى قالاسىنداعى ورىنبەك جاۋتىكوۆ اتىنداعى №1 مەكتەپكە  ۇلاعاتتى ۇستاز كۇلاندا نۇربولقىزىنىڭ بالالارى كوپبەيىندى  ميكروسكوپتارمەن، اسپاپتارمەن جانە ينتەراكتيۆتى تاقتامەن جابدىقتالعان زاماناۋي بيولوگيا كابينەتىن سىيعا تارتتى، دەپ جازادى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

اتالعان مەكتەپتەگى بيولوگيا ءپانىنىڭ مۇعالىمى گۇلمايرا اۋباكىروۆا سىنىپتىڭ 2007 جىلى اشىلىپ، وعان كۇلاندى نۇربولقىزىنىڭ ەسىمى بەرىلگەنىن ايتادى.

– كۇلاندا نۇربولقىزى وتكەن عاسىردىڭ 60-جىلدارى ءبىزدىڭ مەكتەپتە جۇمىس ىستەپ، حيميا جانە بيولوگيا پاندەرىنەن ساباق بەردى. پاراساتتى جان، مايتالمان پەداگوگ جايىنداعى  ەستەلىكتەر ءالى كۇنگە دەيىن ونىڭ وقۋشىلارى مەن ارىپتەستەرىنىڭ جۇرەگىندە ساقتالىپ قالعان. ۇلاعاتتى ۇستازدىڭ بالالارى بىزگە جىل سايىن جوندەۋ جۇمىستارىنا كومەكتەسىپ تۇرادى. ال بيىل ولار كۇردەلى جوندەۋ جۇرگىزىپ، جاڭا جيھاز بەن قۇرىلعىلار الىپ بەردى، – دەيدى گ.اۋباكىروۆا.ر

بۇگىندە جاڭارتىلعان بيولوگيا سىنىبىندا بارلىق قاجەتتى تەحنيكا مەن اسپاپتار عانا ەمەس، ادام اعزاسى قۇرىلىمىنىڭ ماكەتتەرى دە بار. كوپ اتقارىمدى تاقتا ميكروسكوپتارعا قوسىلعان. مۇنىڭ ءوزى بالالارمەن بىرگە تاجىريبە جۇرگىزۋگە جانە ءىس جۇزىندە ولارعا كۇردەلى تاقىرىپتاردى تۇسىندىرۋگە مۇمكىندىك بەرەدى.

جاڭارتىلعان سىنىپتىڭ اشىلۋ سالتاناتىنا كۇلاندى نۇربولقىزىنىڭ ماجىلىستە دەپۋتات بولعان ۇلى، ساياسي جانە قوعام قايراتكەرى راۋان شاەكين باستاعان بالالارى، سونداي-اق ءبىر توپ شاكىرتتەرى جانە اۋدان اكىمى ەرلان قۇسايىن قاتىسىپ، ەڭبەك سىڭىرگەن پەداگوگ جايلى جان تەبىرەنتەر ەستەلىكتەر ايتتى.

ايتا كەتكەن ءجون بولار، 883 بالا ءبىلىم الاتىن و.جاۋتىكوۆ اتىنداعى مەكتەپتە بارلىق قاجەتتى تەحنيكالىق وقىتۋ قۇرالدارى مەن ديداكتيكالىق ماتەريالدارمەن قامتاماسىز ەتىلگەن بيولوگيا ءپانىنىڭ ەكى بىردەي كابينەتى بار.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار