وقيعا • 18 مامىر، 2022

جامبىلدا جالعان نەكە كۋالىگىن جاساتقان ايەل ۇستالدى

31 رەت كورسەتىلدى

جامبىل وبلىسىندا ايەل تۇرمەدەگى جىگىتىمەن كەزدەسۋ ءۇشىن جالعان نەكە قيۋ كۋالىگىن جاساتقان، دەپ حابارلايدى Egemen.kz Polisia.kz سايتىنا سىلتەمە جاساپ.

ءتارتىپ ساقشىلارى اتالعان قىلمىستى جاساعانى ءۇشىن 48 جاستاعى ايەلدى ۇستادى.

جۇرگىزىلگەن تەرگەۋ ناتيجەسىندە، كۇدىكتى ايەل جازاسىن وتەپ جاتقان جىگىتىمەن كەزدەسۋ ءۇشىن نەكە قيۋ تۋرالى كۋالىكتى قولدان جاساپ، ءوزىن ايەلى رەتىندە تانىستىرعانى انىقتالدى.

اتالعان دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 385-بابى 3-بولىگى بويىنشا سوتالدى تەرگەۋ امالدارى باستالدى.

«وسى باپتىڭ سانكتسياسىمەن 160 ايلىق ەسەپتىك كورسەتكىشكە دەيىنگى مولشەردە ايىپپۇل سالۋ، نە سول مولشەردە تۇزەۋ جۇمىستارى، نە 160 ساعاتقا دەيىنگى مەرزىمگە قوعامدىق جۇمىستارعا تارتۋ نەمەسە 40 تاۋلىككە دەيىنگى مەرزىمگە قاماققا الۋ تۇرىندەگى جازا قاراستىرىلعان»، دەلىنگەن حابارلامادا.

 

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار