«مەديتسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋ جۇيەسىن ەنگىزۋدى قامتاماسىز ەتۋ ماقساتىندا «كەيبىر زاڭنامالىق اكتىلەرگە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ازىرلەندى. وسى ايدا ول قر پارلامەنتىنىڭ ماجىلىسىنە ەنگىزىلەتىن بولادى», دەدى مينيستر ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
ونىڭ ايتۋىنشا, زاڭ جوباسىندا قىلمىستىق كودەكستىڭ 317-بابىنىڭ قىلمىستىق نورمالارىن ىزگىلەندىرۋ كوزدەلگەن. ياعني, ايىپپۇل سانكتسيالارى جەڭىلدەتىلەدى. سوتتىڭ قاراۋىنا باس بوستاندىعىن شەكتەۋ بويىنشا بالاما ەنگىزىلەدى. باس بوستاندىعىنان ايىرۋ مەرزىمدەرى قىسقارتىلادى.
«جانە دە وسى زاڭ جوباسى بويىنشا مەديتسينالىق كومەكتىڭ ساپاسىن ارتتىرۋ ماقساتىندا پاتسيەنتتىڭ ءومىرى مەن دەنساۋلىعىنا زيان كەلتىرگەنى ءۇشىن كاسىپتىك جاۋاپكەرشىلىكتى ارتتىرۋ, ولاردى ساقتاندىرۋ كوزدەلەدى. سونىمەن قاتار ءبىلىمدى, ەڭبەك سىڭىرگەن دارىگەرلەرگە «قازاقستاننىڭ ەڭبەك سىڭىرگەن دارىگەرى» قۇرمەتتى اتاعىن بەلگىلەۋ قاراستىرىلعان», دەدى اجار عينيات.
