الەم • 18 مامىر، 2022

وزبەكستاندا ەلشىلىك جانىنان ارنايى داۋىس بەرۋ ۋچاسكەسى اشىلادى

33 رەت كورسەتىلدى

كونستيتۋتسياعا وزگەرىستەر ەنگىزۋ تۋرالى جالپىحالىقتىق رەفەرەندۋمعا شەتەلدەگى وتانداستارىمىز دا قاتىسا الادى، دەپ حابارلايدى Egemen.kz.

الەمنىڭ ءار تۇكپىرىندەگى قازاقستان ەلشىلىكتەرى قازىر ساياسي شاراعا قىزۋ ازىرلىك ۇستىندە. ىرگەلەس وزبەكستاندا ەلشىلىك جانىنان ارنايى داۋىس بەرۋ ۋچاسكەسى اشىلادى. كونسۋلدىق ماماندارى تۇراقتى جۇمىس ىستەيتىن نەمەسە ءبىلىم الىپ جۇرگەن 18 جاسقا تولعان قازاقستان ازاماتتارىنىڭ ءتىزىمىن جاساقتاۋعا كىرىستى. ازىرگە ولاردىڭ سانى 500-ءدىڭ شاماسىندا بولادى دەپ بولجانىپ وتىر. بىراق 5 ماۋسىم كۇنى قاتارى تولىعۋى مۇمكىن.

شەت ەلگە ۋاقىتشا ساپارلاپ بارعاندار دا رەفەرەندۋمدا تاڭداۋ جاساي الادى. ماڭىزدى شارا قارساڭىندا قازاقستاندىق ديپلوماتتار جەرگىلىكتى ساراپشىلارمەن كەزدەسىپ، اتا زاڭعا ۇسىنىلعان وزگەرىستەردى تالقىلادى. ماماندار مۇنداي باعىتتاعى رەفەرەندۋم جاقىن ارادا وزبەكستاندا دا وتكىزىلۋى مۇمكىن ەكەنىن ايتتى.

ايانا توعانبەك

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار