«مال شارۋاشىلىعى ەلىمىزدىڭ اگروونەركاسىپتىك كەشەنىنىڭ باستى سالالارىنىڭ ءبىرى سانالادى. ونىڭ ۇلەسى اۋىل شارۋاشىلىعىنىڭ جالپى ءونىمىنىڭ 42,1 پايىزعا جۋىعىن, ال ەكسپورتتا مال شارۋاشىلىعى ءونىمىنىڭ ۇلەسى 4 پايىزدى قۇرايدى. ەلىمىزدىڭ مال شارۋاشىلىعى جالپى اۋىل شارۋاشىلىعىنىڭ سالىستىرمالى تۇردە تۇراقتى دامىپ كەلە جاتقان سالاسى رەتىندە سيپاتتالاتىنىن ايتا كەتكەن ءجون. بۇعان مال مەن قۇس سانىنىڭ تۇراقتى ءوسۋ قارقىنى, ولاردىڭ ساپالىق كورسەتكىشتەرىنىڭ جاقسارۋى, جانۋارلاردىڭ ونىمدىلىگىنىڭ ارتۋى, سونداي-اق مال شارۋاشىلىعى ونىمدەرىنىڭ ءوندىرىس كولەمىنىڭ ۇلعايۋى دالەل بولا الادى. ەلىمىز جۇمىرتقا بويىنشا ءوزىن-ءوزى قامتاماسىز ەتەدى. ال قۇس ەتى بويىنشا سوڭعى 3 جىلدا يمپورتقا تاۋەلدىلىكتى 51-دەن 35 پايىزعا دەيىن تومەندەتتى», دەدى مينيستر.
ونىڭ ايتۋىنشا, مۇنىڭ بارلىعى جىلدان جىلعا تۇراقتى قارقىنمەن ارتىپ كەلە جاتقان مەملەكەتتىك قولداۋ ءىس-شارالارىنىڭ ارقاسىندا ورىن الدى.
«بۇل بۇگىنگى تاڭدا سالانىڭ ينۆەستيتسيالىق تارتىمدى بولۋىنا اكەلگەنىن ايتا كەتكەن ءجون», دەدى ەربول قاراشوكەەۆ.
