«سولتۇستىك-باتىس تسيكلون جانە ونىمەن بايلانىستى اتموسفەرالىق فرونتتار بۇرىنعىسىنشا قر-نىڭ باسىم بولىگىنە ءوزىنىڭ اسەرىن ساقتاپ قالادى, وسىعان بايلانىستى اۋا رايى تۇراقسىز بولىپ, نايزاعاي ويناپ, جاڭبىر جاۋادى. تەك ەلىمىزدىڭ وڭتۇستىگى مەن شىعىسىندا جاۋىن-شاشىنسىز اۋا رايى بولادى. رەسپۋبليكا بويىنشا جەل كۇشەيىپ, ەلدىڭ سولتۇستىگىندە, سولتۇستىك-باتىسىندا, وڭتۇستىك-شىعىسىندا – داۋىل, بۇرشاق, وڭتۇستىگىندە, وڭتۇستىك-باتىسىندا, سولتۇستىك-شىعىسىندا – شاڭدى داۋىل, سولتۇستىكتە تۇمان بولادى», دەلىنگەن «قازگيدرومەت» رمك ءباسپاسوز حابارلاماسىندا.
اتاپ ايتقاندا, اقمولا وبلىسىنىڭ سولتۇستىگىندە, باتىسىندا نايزاعاي ويناپ, بۇرشاق جاۋادى, تۇندە سولتۇستىگىندە, باتىسىندا, كۇندىز وبلىستىڭ باسىم بولىگىندە جەل جىلدامدىعى 15-20 م/س, كۇندىز سولتۇستىگىندە, باتىسىندا ەكپىنى 23 م/س جەتەدى.
كۇندىز الماتى وبلىسىنىڭ تاۋلى اۋداندارىندا نايزاعاي وينايدى, كۇندىز شىعىسىندا جانە تاۋلى اۋدانداردا جەل 15-20 م/س كۇشەيەدى.
كۇندىز تۇركىستان وبلىسىنىڭ تاۋلارىندا نايزاعاي ويناپ, سولتۇستىگىندە شاڭدى داۋىل سوعىپ, جەل 15-20 م/س كۇشەيەدى.
باتىس قازاقستان وبلىسىنىڭ شىعىسىندا, سولتۇستىك-باتىسىندا, اتىراۋ وبلىسىنىڭ سولتۇستىگىندە-نايزاعاي ويناپ, كۇندىز باتىسىندا, وبلىس ورتالىعىندا جەل 15-20 م/س كۇشەيەدى.
ماڭعىستاۋ وبلىسىنىڭ باتىسىندا, شىعىسىندا, وڭتۇستىگىندە نايزاعاي ويناپ, ورتالىعىندا, سولتۇستىگىندە شاڭدى داۋىل سوعىپ, وبلىستىڭ باتىسىندا, شىعىسىندا, وڭتۇستىگىندە 15-20 م/س جەل تۇرادى.
كۇندىز اقتوبە وبلىسىنىڭ سولتۇستىگىندە جەل 15 م/س كۇشەيەدى. قوستاناي, سولتۇستىك قازاقستان وبلىستارىنىڭ باتىسىندا, سولتۇستىگىندە, شىعىسىندا نايزاعاي ويناپ, داۋىل وسعىپ, بۇرشاق جاۋادى, جەل 15-20, ەكپىنى 23-28 م/س, تۇندە جانە تاڭەرتەڭ سولتۇستىك قازاقستان وبلىسىنىڭ سولتۇستىك-باتىسىندا-تۇمان بولادى.
پاۆلودار وبلىسىنىڭ سولتۇستىك-باتىسىندا كۇندىز نايزاعاي ويناپ, شاڭدى داۋىل سوعىپ, وبلىستىڭ سولتۇستىگىندە, باتىسىندا 15-20 م/س جەل تۇرادى.
كۇندىز قاراعاندى وبلىسىنىڭ باتىسى مەن سولتۇستىگىندە نايزاعاي وينايدى, وبلىستىڭ باتىسى مەن سولتۇستىگىندە جەل 15-20 م/س كۇشەيەدى.
كۇندىز قىزىلوردا وبلىسىنىڭ سولتۇستىگىندە, ورتالىعىندا شاڭدى داۋىل سوعادى, جەل 15-20 م/س جەتەدى.
جامبىل وبلىسىنىڭ كۇندىز تاۋلى اۋداندارىندا نايزاعاي ويناپ, بۇرشاق جاۋىپ, داۋىل سوعادى, جەل 15-20 م/س كۇشەيەدى.
