قوعام • 16 مامىر، 2022

پرەزيدەنت ساياباعىنا ساكۋرا ەگىلدى

32 رەت كورسەتىلدى

نۇر-سۇلتان قالاسىنداعى پرەزيدەنت ساياباعى اۋماعىندا ەندى Eurasian Resources Group-ءتىڭ (ERG) اللەياسى جاپىراق جايىپ، جايقالىپ تۇراتىن بولادى. كەشە استانادا جىل سايىنعى «ۇلتتىق اعاش ەگۋ كۇنى» ەكولوگيالىق ناۋقانىن قولداۋ اياسىندا «ورنىقتى دامۋ» جەر قورىمەن بىرلەسىپ اعاش ەگۋ ءىس-شاراسى وتكىزىلدى.

ەكولوگيالىق ءىس-شاراعا ERG-ءدىڭ استانالىق كەڭسەلەرىنىڭ قىزمەتكەرلەرى مەن ولاردىڭ بالالارى، قوعامدىق ۇيىمدار وكىلدەرى، ەرىكتىلەر مەن جۋرناليستەر قاتىستى.

– ساكۋرا – جاپونيانىڭ سيمۆو­لى­نا اينالعان دەكوراتيۆتى شيە. الەم­دە ونىڭ 200-دەن استام ءتۇرى وسەدى. نەگىزىنەن، جىلى جاقتا جاقسى تامىر جايا­دى. اراسىندا سۋىققا ءتوزىمدى تۇر­لەرى دە بار. بۇگىن ساكۋرانىڭ ناق سول ءتۇرىنىڭ كوشەتتەرىن ەكتىك، – دەدى «ورنىقتى دامۋ» جەر قورىنىڭ جە­تەك­شىسى الان بەسەن. – كوكتەمدە بۇل ساكۋرانىڭ گۇلدەۋى تىپتەن ەرەكشە. ءارى قازاقستان استاناسىنىڭ كليماتىنا ابدەن بەيىمدەلگەن. مۇنى ايتىپ وتىرعانىم، ءبىز اكىمدىكپەن بىرلەسە وتىرىپ، ەگىلگەن كوشەتتەردىڭ تامىر جايىپ، وسۋىنە جاۋاپتىمىز. ولاردىڭ جەرسىنىپ كەتۋىن ۇدايى باقىلاپ وتىراتىن بولامىز.

بۇل – ERG-ءدىڭ نۇر-سۇلتان قالاسىن­داعى ءۇشىنشى اللەياسى. بىل­تىر كوكتەمدە كومپانيا قىزمەت­كەر­لەرى ۇلتتىق كارديولوگيا ورتا­لى­عى ماڭىنا جانە كۇزدە اتاتۇرىك سايا­با­عى­نا بادام اعاشتارىن ەككەن بولاتىن.

– ءبىزدىڭ ۇزاقمەرزىمدى ەكولوگيالىق ستراتەگيامىزدا توپ كاسىپورىندارى ورنالاسقان وڭىرلەردى كوگالداندىرۋ دا كوزدەلگەن، – دەدى ERG-ءدىڭ قورشاعان ورتانى قورعاۋ دەپارتامەنتىنىڭ ديرەكتورى تالعات تورەبەكوۆ. – تەك بيىلعى كوك­تەم مەن كۇزدە عانا پاۆلودار، قاراعاندى، قوستاناي، اقتوبە وبلىس­تارىندا جانە شىمكەنت، الماتى، نۇر-سۇلتان قالالارىندا جالپى سانى 100 مىڭ ءتۇپ اعاش ەگۋدى جوسپارلاپ وتىر­مىز.

ERG-ءدىڭ ەكولوگيالىق ستراتەگيا­سى اياسىندا 2025 جىلعا دەيىن توپ كاسىپورىندارى ورنالاسقان وڭىرلەردە 420 مىڭ ءتۇپ اعاش وتىرعىزىلماقشى. وسى جوباعا جوسپارلانعان جالپى ينۆەستيتسيا كولەمى – 1،5 ملرد تەڭگەگە جۋىق.

– شىبىق شانشىپ، اعاش ەگۋ – قالىپتاسقان يگى داستۇرلەردىڭ ءبىرى، – دەدى الان بەسەن. – مۇنداي ءىس-شارالار ءتۇرلى ماڭىزدى سەبەپتەر – ەرەكشە اتاپ وتىلەتىن داتالار، جالپىقالالىق مە­رە­كەلەر، جالپىقازاقستاندىق سەن­بى­لىكتەر اياسىندا تۇراقتى تۇردە ۇيىم­داس­تىرىلادى. جىل سايىن وسى يگى ىسكە ۇلەس قوسقىسى كەلەتىن استا­نا­­لىقتار سانى دا ارتىپ كەلەدى. استا­نانى كور­كەيتىپ، جاسىل جەلەكپەن كوم­كورۋگە ۇلەس قوسىپ جۇرگەن ءار ادامعا العىس ايتامىن!

پ

ايتا كەتەيىك، ەلىمىزدىڭ بارلىق وڭىرىندە ەكولوگيالىق، الەۋمەتتىك جانە ەكونوميكالىق پروبلەمالاردى شەشۋگە باعىتتالعان ءىس-شارالار مەن ناقتى جوبالاردى جۇزەگە اسىرۋ ارقىلى جەرگىلىكتى قوعامداستىقتار مەن اۋماقتاردىڭ ورنىقتى دامۋىن قامتاماسىز ەتۋ ماقساتىندا قۇ­رىل­عان جاستاردىڭ كوممەرتسيالىق ەمەس قوعامدىق بىرلەستىگى – «ورنىقتى دامۋ» جەر قورىنىڭ باستاماسىمەن 2014 جىلدىڭ ءساۋىر ايىندا العاشقى ۇلتتىق اعاش ەگۋ كۇنى وتكىزىلگەن بولا­تىن. بۇل ءىس-شارانىڭ ماقساتى – ورمان-توعايلاردى قامقورلىققا الىپ، قالپىنا كەلتىرىپ، حالىق يگى­لى­گىنە ساقتاپ قالۋ، قالالارداعى جا­­­سىل ايماقتاردى اباتتاندىرۋ، جۇرت­­تىڭ ەكولوگيالىق ساۋاتىن ارتتىرىپ، قازاقستاننىڭ جاسىل قورىن تو­لىقتىرۋ جوبالارىنا بيزنەستىڭ رەسۋرس­تارىن جۇمىلدىرۋ.

ءساتىن سالسا، پرەزيدەنت ساياباعىنا كەشە ەگىلگەن 300 ءتۇپ ساكۋرا كۇنى ەرتەڭ استانالىقتار مەن ەلوردا مەي­مان­دا­رى­نىڭ كوزايىمىنا اينالماق.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار