قالك اكىمىنىڭ ورىنباسارى بەرىك جاكەنوۆتىڭ توراعالىعىمەن اكىمدىك جانىنداعى جاستار ءىسى جونىندەگى كەڭەستىڭ وتىرىسى ءوتتى.
«كەزدەسۋ باعدارلاماسىندا جاڭا قازاقستاندى قۇرۋداعى رەسپۋبليكالىق رەفەرەندۋمنىڭ ءتارتىبى مەن مىندەتتەرى بولدى. جاستارعا الداعى رەفەرەندۋمنىڭ ماڭىزى تۋرالى اقپارات جەتكىزۋ ماڭىزدى. ويتكەنى, پرەزيدەنتىمىز ايتىپ وتىرعان اشىق, ەستۋشى جاڭا قازاقستاندى قۇرۋ جۇمىسى ءبىزدىڭ قولىمىزدا. بۇل جۇمىستا جاستارعا ەرەكشە ءرول بەرىلەدى. ءبىز وسىنى ءبىلىپ, ودان دا جاقسى ءارى بەلسەندى جۇمىس ىستەۋىمىز كەرەك. ءوزىم رەفەرەندۋمعا قاتىسامىن. وزگەلەردى دە ۇلەس قوسۋعا شاقىرامىن», دەدى «BIZ BIRGEMIZ» قب باسشىسى پەريزات قايرات.
كەزدەسۋ اياسىندا جالپى رەسپۋبليكالىق رەفەرەندۋم وتكىزۋدىڭ ءتارتىبى مەن مىندەتتەرى, كونستيتۋتسيالىق رەفورمانىڭ باعىتتارى, جاڭا قازاقستاندى قۇرۋداعى رەفەرەندۋمنىڭ ماڭىزى, ەلوردادا مەملەكەتتىك جاستار ساياساتى سالاسىندا اتقارىلعان جۇمىستار, ەلوردالىق جاستاردى جۇمىسپەن قامتۋ ماسەلەلەرى سەكىلدى ەل ءۇشىن اسا ماڭىزدى تاقىرىپتار زەردەلەندى.
«ەلىمىزدە وتەتىن رەفەرەندۋم بويىنشا تۇسىندىرمە كەزدەسۋ, وزىندىك وي تالقىسى ءوتتى. بىزدە سايلاۋشىلاردىڭ جانە داۋىس بەرەتىن ادامداردىڭ نەگىزگى اۋديتورياسى جاستار بولعاندىقتان, وعان ەرەكشە نازار اۋدارامىز. ءوزىم جاستار وكىلى رەتىندە وسى رەفەرەندۋمنىڭ ماڭىزدىلىعىن تۇسىنەمىن. ونىڭ ۇستىنە جاڭا قازاقستاندا وسىنىڭ ءبارىن ىسكە اسىرۋ ءۇشىن جاستار قاجەت. جاقسى اشىق تالقىلاۋ, پىكىرتالاس ءوتتى. قىزىقتى سۇراقتار بولدى, ءوزىم ءۇشىن قىزىقتى اقپارات الدىم. ءوزىم دە جاستارعا جاقسى اقپارات بەرە الدىم دەپ ۇمىتتەنەمىن. ءبىزدىڭ جاستار بەلسەندى قاتىسادى دەپ ويلايمىن, ويتكەنى ول قازىردىڭ وزىندە ساياسي ءپىسىپ-جەتىلدى. ءبىزدىڭ جاستار رەفەرەندۋم كەزىندە بەلسەندىلىك تانىتادى دەپ سەنەمىن. ءبىزدىڭ جاستار بەلسەندى قاتىسادى دەپ ويلايمىن, ويتكەنى ول قازىردىڭ وزىندە ساياسي ءپىسىپ جەتىلدى. رەفەرەندۋم كەزىندە جاستارىمىز بەلسەندىلىك كورسەتەدى دەپ ۇمىتتەنەمىن», دەدى Qazaqstan team رەسپۋبليكالىق جاستار بىرلەستىگىنىڭ جەتەكشىسى ولجاس سۇلەيمەنوۆ.
