«جۇرگىزىلگەن جەدەل ءىس-شارا بارىسىندا جالپى قۇنى 1,8 ملرد تەڭگەدەن استام سوما بولاتىن «تويوتا», «حەندە», «حوندا» ماركالى كولىكتەرگە ارنالعان كونترافاكتىلىك اۆتوبولشەكتەر قويماسى جويىلدى. انىقتالعانداي, كونترافاكتىلىك قوسالقى بولشەكتەر فيرمالىق قوراپتارعا سالىنىپ, كەيىن قازاقستاننىڭ كولىك بازارلارىنا تاراتىلعان. جالپى, تەرگەۋ شارالارىنىڭ قورىتىندىسى بويىنشا 106 مىڭعا جۋىق جالعان اۆتوكولىك بولشەكتەرى تاركىلەندى», دەلىنگەن ۆەدومستۆو تاراتقان حابارلامادا.
ۇسىنىلعان اقپاراتقا سايكەس, الماتىدا ءبىر توپ ازامات تانىمال برەندتەردىڭ اتىن جامىلىپ, اۆتوكولىكتەردىڭ كونترافاكتىلىك بولشەكتەرىن ساتۋمەن اينالىسقان.
قارجىلىق مونيتورينگ اگەنتتىگىنىڭ الماتى قالاسى بويىنشا اۋماقتىق دەپارتامەنتى قالالىق پروكۋراتۋرانىڭ كوورديناتسياسىمەن جوعارىدا اتالعان تۇلعالارعا قاتىستى سوتقا دەيىنگى تەرگەۋدى اياقتادى.
ءىس سوتقا جونەلتىلدى.
