قوعام • 16 مامىر، 2022

جىل باسىنان بەرى 25 ادام سۋعا باتىپ كەتكەن

38 رەت كورسەتىلدى

بۇل تۋرالى قر تجم ازاماتتىق قورعانىس جانە اسكەري بولىمدەر كوميتەتىنىڭ توراعاسى باۋىرجان سىزدىقوۆ ايتتى، دەپ حابارلايدى Egemen.kz.

ونىڭ ايتۋىنشا، جىل باستالعالى بەرى 25 ادام سۋعا باتىپ، 7 ادام قۇتقارىلدى، ونىڭ 2-ەۋى — بالا.

«ادامداردىڭ سۋعا كەتۋىنە جول بەرمەۋ جانە الدىن الۋ ماقساتىندا ءبىزدىڭ مينيسترلىك ىشكى ىستەر مينيسترلىگى، وڭىرلىك اكىمدىكتەر جانە ەرىكتىلەرمەن بىرلەسىپ، شومىلۋعا تىيىم سالىنعان ورىنداردا رەيدتەر مەن پاترۋلدەۋ جۇمىسىن تۇراقتى جۇرگىزىپ كەلەدى. وسى كۇنگە دەيىن اتالعان شاراعا 36 929 ادام جۇمىلدىرىلىپ، 17 620 پاترۋلدىك جانە رەيدتىك ءىس-شارا ءوتتى. ونىڭ ناتيجەسىندە 118 ازامات اكىمشىلىك جاۋاپكەرشىلىككە تارتىلدى. سونىمەن قاتار الدىن الۋ جۇمىستارى اياسىندا ەلىمىزدىڭ سۋ ايدىندارىندا 7 ادام سۋدان قۇتقارىلدى، ونىڭ 2-ەۋى — بالا»، دەدى باۋىرجان سىزدىقوۆ ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا.

ونىڭ ايتۋىنشا، ازاماتتاردىڭ سۋداعى قاۋىپسىزدىگى ماسەلەسى قۇزىرلى ورگانداردىڭ تۇراقتى نازارىندا.

«وكىنىشكە قاراي، قايعىلى وقيعالار بار. بيىل دا سۋداعى قاۋىپسىزدىك ەرەجەلەرىن ساقتاماۋ سالدارىنان ادامداردىڭ قازا بولۋ فاكتىلەرى تىركەلىپ وتىر. اتاپ ايتقاندا، جىل باسىنان بەرى 25 ادام سۋعا كەتتى، ونىڭ 3-ەۋى — بالا»، دەيدى ول.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار