باس پروكۋراتۋرانىڭ مالىمەتىنشە, ەلدى مەكەندەر ماڭىنداعى تۇرمىستىق جانە وندىرىستىك قالدىقتاردىڭ زاڭسىز شىعارىلۋىنا قاتىستى ازاماتتاردىڭ ارىز-شاعىمدارى جيىلەپ كەتكەن. جاقىندا تابيعاتتى قورعاۋ زاڭناماسىنىڭ ساقتالۋىنا اۋديت جۇرگىزىلدى.
«قازاقستان عارىش ساپارى» عارىشتىق مونيتورينگىنىڭ مالىمەتى بويىنشا, ەلدى مەكەندەردە جىل سايىن 9 مىڭعا دەيىن زاڭسىز پوليگون قۇرىلعان. الماتى قالاسىنىڭ پروكۋرورلارى الاتاۋ, مەدەۋ جانە تۇركسىب اۋداندارىنىڭ اۋماعىندا 17 كوممۋنالدىق جانە وندىرىستىك قالدىقتار كومىلگەن جەردى انىقتادى, قازىر ۇيىندىلەر جويىلدى.
جىبەرىلگەن كەمشىلىكتەر ءۇشىن اقتوبە, الماتى, شىعىس قازاقستان, قىزىلوردا, پاۆلودار وبلىستارى مەن الماتى ەكولوگيا دەپارتامەنتى باسشىلارى, سونداي-اق جاۋاپتى مينيسترلىكتىڭ لاۋازىمدى تۇلعالارى تارتىپتىك جاۋاپكەرشىلىككە تارتىلدى», دەپ حابارلادى ۆەدومستۆودان.
تابيعاتتى قورعاۋ ينسپەكتورلارى بيۋدجەتكە 12 ميلليارد تەڭگە كولەمىندە اكىمشىلىك ايىپپۇل ءوندىردى.
پروكۋرورلار سونىمەن قاتار كاسىپورىنداردىڭ وندىرىستىك قالدىقتاردى بەلگىلەنگەن ورىنداردان تىس, كادەگە جاراتپاي جانە وڭدەۋسىز ورنالاستىرۋدىڭ 43 دەرەگىن انىقتادى.
