قازىرگى كەزدە ىرىكتەۋ سايىستارى وتۋدە. قازاقستاندىقتاردان العاشقى بولىپ كورتقا شىققان نيكيتا سيدوروۆ ۇندىستاندىق اردجۋن كادحەگە جول بەردى – 4:6, 1:6. ەندى ا.كادحە ىرىكتەۋ سايىستارىنىڭ فينالىندا تاعى ءبىر قازاقستاندىق گريگوري لوماكينمەن شەبەرلىك بايقاسادى. جەڭگەن سپورتشى نەگىزگى جارىسقا جولداما الادى.
بۇگىن سونداي-اق ىرىكتەۋ سايىستارىنىڭ جارتىلاي فينالىندا تيمۋر ماۋلەنوۆ يتاليالىق ماتتەو دوناتتيممەن, رومان كونوۆالوۆ امەريكالىق ەۆان جۋمەن ءوزارا مىقتىنى انىقتايدى. نەگىزگى تۋرنيردە قازاقستاندىقتاردان ءبىرىنشى راكەتكا بولىپ تىركەلگەن دەنيس ەۆسەەۆ العاشقى ماتچىن امەريكالىق ۋليس بلانشپەن وتكىزەدى. جارىسقا ارنايى شاقىرتۋ العان دوستانبەك تاشبولاتوۆ رۋمىنيالىق فيليپپ كريستيان جيانۋمەن, بەيبىت جۋكاەۆ ىرىكتەۋ سايىسى جەڭىمپازدارىنىڭ بىرىمەن كەزدەسەدى.
كەشە Beeline Challenger 80 بويىنشا شىمكەنتتە وسىنداي دودا اياقتالعان بولاتىن. جەكەلەي سىندا فينالدا گەرمانيالىق سەباستيان فانشەلوۋدى 6:4, 7:6 (7:3) ەسەبىمەن ۇتقان امەريكالىق ەميليو ناۆا چەمپيون اتاندى.
ايانا توعانبەك
