سپورتتىڭ ونسايىس تۇرىنەن سىنعا تۇسكەن وتانداسىمىز جارىستىڭ قورىتىندىسى بويىنشا 5400 ۇپاي جيناپ, التىن مەدالعا يە بولدى. ءبىر قىزىعى, ول ونسايىستىڭ بارلىق ءتۇرى بويىنشا وتكەن ىرىكتەۋ جارىستارىنىڭ بارىندە الدىڭعى ورىندارعا يە بولدى. سونداي-اق بۇل فارحاد قىستاۋباەۆتىڭ بيىلعى سۋردليمپياداداعى ەكىنشى مەدالى. ول بۇعان دەيىن 110 مەترگە كەدەرگىلەر ارقىلى جۇگىرۋدە قولا مەدال جەڭىپ العان بولاتىن.
وسىلايشا, سۋردليمپيادادا ءۇشىنشى التىنىنا قول جەتكىزگەن قازاقستان قۇراماسى جالپىكوماندالىق ەسەپتە 12-ورىنعا كوتەرىلدى. جەرلەستەرىمىزدىڭ ەنشىسىندە 3 التىن, 4 كۇمىس, 17 قولا مەدال بار. ال 129 (56 التىن, 36 كۇمىس, 37 قولا) جۇلدەسى بار ۋكراينا تۋرنير كەستەسىندە كوش باستاپ تۇر.
