شانحاي ىنتىماقتاستىق ۇيىمىنا (شىۇ) مۇشە مەملەكەتتەردىڭ كولىك مينيسترلەرىنىڭ 9-شى كەڭەسى شەڭبەرىندە تاراپتار اۋە قاتىناسىن ۇلعايتۋ جانە ءوزارا ەكونوميكالىق, مادەني جانە تۋريستىك بايلانىستاردى دامىتۋ ءۇشىن ەكى ەل اراسىندا جاڭا باعىتتار اشۋ جونىندەگى جۇمىستى جالعاستىرۋعا ۋاعدالاستى.
بۇگىنگى تاڭدا وزبەكستانمەن اۋە قاتىناسى رەيستەر سانى بويىنشا دا, شەت مەملەكەتتەر اراسىنداعى باعىتتار سانى بويىنشا دا ەڭ قارقىندى بولىپ تابىلادى.
قازىرگى ۋاقىتتا قازاقستان مەن وزبەكستان اراسىندا ەكى ەلدىڭ اۋەكومپانيالارى (ەير استانا, SCAT, Fly Arystan, Uzbekistan Airways) نۇر-سۇلتان, الماتى, اقتاۋ, تۇركىستان, اقتوبە جانە تاشكەنت, سامارقاند, نامانگان, ۇرگەنچ, نۇكىس قالالارى اراسىندا اپتاسىنا 40 رەيس ورىندايدى.
ايانا توعانبەك
