دۇنيەجۇزىلىك گيمنازيادا 14-22 مامىر ارالىعىندا فرانتسيانىڭ نورمانديا قالاسىندا وتەدى. سپورتتىق جارىستارعا الەمنىڭ 70 ەلىنەن 16-18 جاس ارالىعىنداعى 3,5 مىڭنان استام وقۋشى قاتىسادى دەپ كۇتىلۋدە.
«دۇنيەجۇزىلىك گيمنازياداعا قاتىسۋ مەكتەپ سپورتىنىڭ جانە مەكتەپ ليگاسىنىڭ دامۋىنا سەپتىگىن تيگىزەدى. بالالار جىلى جاس سپورتشىلارىمىز ءۇشىن وسىنداي ماڭىزدى وقيعامەن ەرەكشەلەنىپ وتىر. ۇلتتىق قۇراما 296 ادامنان تۇرادى. ونىڭ 234-ءى جاس سپورتشى, 49-ى جاتتىقتىرۋشى, 9-ى تورەشى جانە 4-ەۋى شتاب مۇشەسى. ءبىز سپورتتىڭ 18 تۇرىنەن ونەر كورسەتەمىز. وقۋشىلارىمىز بارىنشا كوپ مەدال الۋعا تىرىسادى. ءبىز سپورت تۇرلەرى بويىنشا مەكتەپ ليگالارىن بەلسەندى تۇردە دامىتامىز. بالالار ول جارىستارعا قۋانا قاتىسادى. وقۋشىلاردىڭ سپورتقا جاپپاي قاتىسۋى – ءبىزدىڭ باستى مىندەتىمىز», دەدى قر بعم ۇلتتىق عىلىمي-پراكتيكالىق دەنە تاربيەسi ورتالىعىنىڭ ديرەكتورى ساعدات سادىقوۆ.
سپورتتىق جارىستار نورمانديانىڭ 9 قالاسىندا سپورتتىڭ 20 تۇرىنەن وتەدى. قازاقستاندىق وقۋشىلار بادمينتون, 3ح3 باسكەتبول, بوكس, ەركىن كۇرەس, ايەلدەر كۇرەسى, گرەك-ريم كۇرەسى, دزيۋدو, جەڭىل اتلەتيكا, ۇستەل تەننيسى, سپورتتىق باعدارلاۋ, ءجۇزۋ, جاعاجاي ۆولەيبولى, رەگبي, سپورتتىق گيمناستيكا, ساداق اتۋ, تاەكۆوندو, سەمسەرلەسۋ, كوركەم گيمناستيكا سياقتى سپورت تۇرلەرىنەن ونەر كورسەتەدى.
