«قازاقستانداعى ينفلياتسيا ءبىزدىڭ بولجامىمىز بويىنشا, ناۋرىزداعى 12%-دان ساۋىردە بارلىق كومپونەنتتەر بويىنشا باعا جىلدام وسكەندىكتەن 13,2%-عا دەيىن قارقىن الدى. ازىق-ت ۇلىك باعاسىنىڭ جىلدىق ءوسىمى 15,4%-دان 17,9%-عا دەيىن جەدەلدەدى. ازىق-ت ۇلىك تاۋارلارى باعاسىنىڭ وسۋىنە قانت, قىرىققابات, كۇنباعىس مايى ەڭ كوپ ۇلەس قوسىپ كەلەدى. الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ اپتا سايىنعى ءوسۋى تۇراقتالدى. الايدا, ناۋرىزدا جەكەلەگەن ازىق-ت ۇلىك تاۋارلارعا سۇرانىس ارتقاندىقتان باعانىڭ جىلدىق ءوسىمى جوعارى دەڭگەيدە ساقتالىپ وتىر», دەدى عالىمجان ءپىرماتوۆ ۇكىمەت وتىرىسى بارىسىندا.
ونىڭ ايتۋىنشا, سىرتقى ينفلياتسيالىق فون ساۋىردە 10,9%-دان 11,1%-عا دەيىن جەدەلدەپ, ازىق-ت ۇلىككە جاتپايتىن تاۋارلار باعاسىن وسىرۋدە.
«اقىلى قىزمەت كورسەتۋ باعاسىنىڭ ءوسۋى 8,3%-دان 8,9%-عا دەيىن جەدەلدەدى, بۇل بىرقاتار نارىقتىق قىزمەت باعاسىنىڭ وسۋىنە بايلانىستى بولدى.تاۋەكەلدەردى ەسكەرە وتىرىپ, ينفلياتسيا جىل سوڭىنا دەيىن جوعارى دەڭگەيدە ساقتالادى», دەدى ۇلتتىق بانك توراعاسى.
