قازاقستاندا ANKA ۇشقىشسىز ۇشاقتاردى بىرلەسىپ ءوندىرۋ تۋرالى كەلىسىمگە قازاقستاندىق دەلەگاتسيانىڭ انكاراعا ساپارى اياسىندا «قازاقستان ينجينيرينگ» ۇك» اق باسقارما توراعاسى تەمىرجان ءابدىراحمانوۆ جانە «Turkish Aerospace» (TUSAŞ) پرەزيدەنتى, پروفەسسور تەمەل كوتيل قول قويدى.
كەلىسىم شەڭبەرىندە ۇۇا-تارىن بىرلەسىپ ءوندىرۋ سالاسىنداعى ۇزاق مەرزىمدى ىنتىماقتاستىق, سونداي-اق قازاقستان رەسپۋبليكاسىنىڭ قارۋلى كۇشتەرى ءۇشىن ۇۇا-تارىن تەحنيكالىق قىزمەت كورسەتۋ جانە جوندەۋ ءۇشىن تەحنولوگيالاردى بەرۋ جانە پەرسونالدى وقىتۋ جوسپارلانۋدا.
قازاقستان - ANKA دروندارى ءوندىرىسى جولعا قويىلعان العاشقى شەت ەل. TUSAŞ باس ديرەكتورى تەمەل كوتيل جاڭا كەلىسىم باۋىرلاس قازاقستانمەن دوستىق بايلانىستاردى ودان ءارى نىعايتۋعا ىقپال ەتەتىنىن اتاپ ءوتتى.
ANKA بارلاۋ جانە سوققى دروندارى 2013 جىلى تۇركيادا قۇرىلىپ, ۇرىس جاعدايىندا سىنالدى. ۇۇا-نىڭ ەڭ جوعارى ۇشۋ سالماعى 1 700 كگ, پايدالى جۇكتەمەنى 350 كگ-عا دەيىن كوتەرۋگە قابىلەتتى, ۇشۋ ۋاقىتى - ەڭ جوعارى بيىكتىگى 9 000 مەترگە دەيىن 30 ساعاتقا دەيىن. قاناتىنىڭ ۇزىندىعى 17,5 مەتر, ۇزىندىعى شامامەن 8 مەتر.
