كەيىنىرەك بەلگىلى بولعانداي, سول كۇنى جەرگىلىكتى ساعات 19:45-تە پوليتسيا دەپارتامەنتىنىڭ كەزەكشى بولىمىنە شاعىن اۋدانداعى ماناپ كوكەنوۆ كوشەسىنىڭ بويىندا ورنالاسقان «مەيرامبەك» ازىق-ت ۇلىك دۇكەنىنىڭ الدىندا بەلگىسىز ادامدى اتىپ كەتكەندىگى تۋرالى حابارلاما تۇسكەن.
ءبىر تاڭعالارلىعى, جەرگىلىكتى پوليتسيا وقىس وقيعا تۋرالى ءالى رەسمي حابار تاراتقان جوق. ولار ەندى بريفينگ وتكىزىپ, قارۋ قولدانىلعان جاعدايدىڭ جاي-جاپسارى, قولدانىلعان شارالار تۋرالى بايانداماقشى بولىپ وتىر.
ال الەۋمەتتىك جەلىدەگى مالىمەتكە سۇيەنسەك, سول كۇنى وقيعا ورنىن قاراۋ بارىسىندا م.كوكەنوۆ كوشەسىنىڭ بويىندا 1996 جىلى تۋعان ءبىر ازاماتتىڭ اڭشى مىلتىعىمەن باسىنا جانە №23 ءۇيدىڭ اۋلاسىنان 29 جاستاعى جىگىتتىڭ «ماكاروۆ» تاپانشاسىمەن بەتىنە وق تيگەن جانە اتى-ءجونى انىقتالماعان تاعى بەلگىسىز ازاماتتىڭ كەۋدەسىنە تاپانشا وعى تيگەن ءمايىتى تابىلعان.
سونىمەن قاتار وسى كوشە بويىنداعى №23 ءۇيدىڭ يەسى, 1975 جىلى تۋعان قالا تۇرعىنى مەن 23 جاستاعى تاعى ءبىر ازاماتتىڭ اياعىنان جارالانعانى انىقتالعان. اتىستا جارالانعاندار جەدەل جاردەممەن قالالىق اۋرۋحاناعا جەتكىزىلىپ, جەدەل-تەرگەۋ توبى ىزدەستىرۋ جۇمىستارىن قولعا الىپتى.
ءسوز باسىندا ايتىپ وتكەنىمىزدەي, وقيعانىڭ انىق-قانىعى الدا بولاتىن بريفينگتە بەلگىلى بولماق.
قىزىلوردا
