وتشاشۋ بۇگىن, 9 مامىر كۇنى ساعات 22:00-دە ەسىل وزەنىنىڭ جاعالاۋىنان باستالادى.
وتشاشۋ ۇزاقتىعى 10-12 مينۋتتى قۇرايدى, ال اتىس سانى كەمىندە 3 مىڭ. ايتا كەتەيىك, سونداي-اق قالا تۇرعىندارى ءۇشىن كونتسەرت, قويىلىم تۇرىندەگى ءتۇرلى ونلاين جانە وفلاين ءىس-شارالار ۇيىمداستىرىلعان.
سونىمەن قاتار 9 مامىر كۇنى ستۋدەنتتەر ساياباعىندا ارداگەرلەر مەن قالا تۇرعىندارىنا ارنالعان كونتسەرت وتەدى. مەرەكەلىك كونتسەرتتە سۇيىكتى اندەردى تىڭداۋعا بولادى, ول ساعات 14:00-گە دەيىن بولادى.
سونداي-اق بۇگىن قازاقستاندىق ۇوس ارداگەرلەرىن ەسكە الۋعا جانە جەڭىس كۇنىنە ارنالعان «جەڭىمپازدار. باتىرلارعا تاعزىم» ونلاين-اكتسيا وتەدى.
بۇدان بولەك, جەڭىس كۇنىن مەرەكەلەۋ كۇندەرى سوعىس ارداگەرلەرىنىڭ, تىل ەڭبەككەرلەرىنىڭ, قوعامدىق جانە جاستار ۇيىمدارى وكىلدەرىنىڭ قاتىسۋىمەن 1941-1945 جىلدارداعى ۇلى وتان سوعىسى جىلدارىندا جارالانىپ قايتىس بولعان جاۋىنگەرلەردىڭ قابىرىنە «وتان انا» مونۋمەنتىنە جانە سوعىس باتىرلارى – تالعات بەگەلدينوۆ, راقىمجان قوشقارباەۆ, باۋىرجان مومىش ۇلى, مانشۇك مامەتوۆا, ءاليا مولداعۇلوۆا جانە باسقالارلىڭ ەسكەرتكىشتەرىنە گۇل, «داڭق» گيرلياندالارىن قويۋ راسىمدەرى ءداستۇرلى تۇردە وتەدى.
9 مامىردا «سولداتسكي كوتەلوك» ەرتەگىسىن كورسەتەتىن قۋىرشاق تەاترىنا بارۋعا بولادى, ال 10 مامىردا «الجير» مەموريالدى-مۇراجاي كەشەنى جەڭىس كۇنىنە ارنالعان ء«بىز جەڭىستىڭ ۇرپاعىمىز!» اتتى لەكتسياعا قوسىلۋعا شاقىرادى.
استانالىق تسيرك مەرەكە قۇرمەتىنە كورەرمەندەر ءۇشىن ارنايى تسيرك باعدارلاماسىن دايىندادى.
ايانا توعانبەك
