سوندىقتان بارلىق قازاقستاندىقتار رەفەرەندۋمعا بەلسەندى قاتىسۋى كەرەك. مەن دە ارىپتەستەرىممەن بىرگە مەملەكەت باسشىسىنىڭ باستاماسىن تولىق قولدايمىن. ءارى ءماجىلىستىڭ اگرارلىق ماسەلەلەر كوميتەتىنىڭ مۇشەسى رەتىندە پرەزيدەنتتىڭ قوعام مەن مەملەكەت ءۇشىن اسا ماڭىزدى سانالاتىن جەرگە يەلىك ەتۋ ماسەلەسىن شەشۋ قاجەتتىگىنە ارنايى توقتالىپ, «جەردىڭ جانە تابيعي رەسۋرستاردىڭ يەسى حالىق» دەگەن نورمانى كونستيتۋتسيادا ءبىرجولا بەكىتۋى بۇگىن عانا باستالعان ءىس ەمەس ەكەنىن ايتقىم كەلەدى. سەبەبى بۇل باعىتتا ەل پرەزيدەنتى جۇيەلى جۇمىس ىستەپ كەلەدى. ماسەلەن, وتكەن جىلى پارلامەنتتە «جەر كودەكسى» زاڭ جوباسىنا وزگەرىستەر مەن تولىقتىرۋلار ەنگىزىلىپ, پرەزيدەنت جەردى شەتەلدىك ازاماتتارعا ساتۋعا جانە جالعا بەرۋگە تىيىم سالعان شەشىم قابىلداعانى بارشاعا ءمالىم. ەندى مىنە, «جەردىڭ جانە تابيعي رەسۋرستاردىڭ يەسى – حالىق» دەگەن نورمانى كونستيتۋتسياعا كىرگىزىپ, حالىق يگىلىگى ءۇشىن جەر ماسەلەسىن اتا زاڭمەن بەكىتىپ جاتىر. مۇنىڭ ءبارى مەملەكەت باسشىسىنىڭ ماڭىزدى ماسەلەلەردە جۇيەلى باعىتتى ۇستانىپ كەلە جاتقانىنىڭ ءبىر دالەلى. جەر – اتا-بابادان كەلە جاتقان مۇرا. ءبىز دە ءوز كەزەگىمىزدە جەردى, جەر قويناۋلارى مەن تابيعي رەسۋرستاردى ۇقىپتى پايدالانىپ, كەلەر ۇرپاققا امانات ەتۋىمىز كەرەك. بۇل جاڭا ءارى ادىلەتتى قازاقستاننىڭ باستى ۇستانىمىنا اينالۋعا ءتيىس.
ساياسي قادام ىشىندە قولداۋعا تۇراتىن وزگەرىستىڭ ءبىرى – پرەزيدەنتتىڭ ساياسي بەيتاراپتىلىعىنىڭ زاڭ جۇزىندە بەكىتىلۋى. ەگەر مەملەكەت باسشىسى ەشبىر ساياسي پارتيانىڭ مۇشەسى بولماسا دەموكراتيالىق قوعامدا كوپ پارتيا جۇيەسى داميدى. ءوز كەزىندە بۇل سايلاۋ جۇيەسىن وزگەرتۋگە ىقپال ەتەدى. ءار ادام ءوز بولاشاعىن ايقىندايدى, كوزقاراسىن بىلدىرەدى. ناتيجەسىندە, سايلاۋعا كوپشىلىك بەلسەندى قاتىسىپ, سايلاۋ ادال وتەدى. وسىنداي فۋنكتسيالار ارقىلى حالىق پەن بيلىكتىڭ اراسى جاقىنداي تۇسەدى. زامان تالابىنا ساي قولعا الىنعان رەفورما ساياسي جۇيەنىڭ تۇلەپ, قۋاتتانا تۇسۋىنە جول اشادى. جالپى, مەملەكەتتىك باسقارۋدىڭ تيىمدىلىگى ارتادى.
امانعالي بەردالين,
ءماجىلىس دەپۋتاتى
