تولەمدى ءوندىرۋ ءۇشىن سالا ماماندارى بىرلەسكەن رەيد وتكىزدى. ازىرگە ەسكەرتۋ جاسالادى. ەگەر ەلەمەي جاتسا, تۇرعىندار قىلمىستىق جاۋاپكەرشىلىككە تارتىلۋى مۇمكىن. اۋداندا 25 مىڭعا جۋىق اۆتوكولىك تىركەلگەن. وسى ۋاقىتقا دەيىن 93 ملن تەڭگەدەي قاراجات ءوندىرىلدى. ماڭعىستاۋ وبلىسىندا بىلتىردان بەرى 62 مىڭنان استام كولىك جۇرگىزۋشى سالىق تولەمەگەندەر قاتارىنا ەنگىزىلدى. ولاردىڭ قارىزى 1 ملرد 700 ملن تەڭگەگە جەتتى.
– جەكە تۇلعالارعا سالىقتىق بەرەشەگى تۋرالى حابارلاما تاراتىلىپ جاتىر. ەلەكتروندى قولتاڭباسى بولسا ەلەكتروندى تۇردە بارادى, ونداي جوق بولسا, ءار اۋىلدىڭ اكىمشىلىگى قاعاز جۇزىندە تاراتىپ جاتىر, ەسكەرتىلەدى. 30 جۇمىس كۇننەن كەيىن سالىق بۇيرىعى شىعادى. سالىقتىق بۇيرىق شىققاننان كەيىن جەكە سوت ورىنداۋشىعا جولدانادى, - دەدى مۇنايلى اۋداندىق مەملەكەتتىك كىرىستەر باسقارماسىنىڭ باس مامانى جاقسىلىق امانعاليەۆ.
