پورتال مالىمەتىنشە, قىزىلوردا وبلىسى پوليتسيا دەپارتامەنتىنىڭ كريمينالدىق پوليتسيا باسقارماسىنىڭ قىزمەتكەرلەرى 2014 جىلدان بەرى ىزدەۋدە جۇرگەن قىلمىسكەردى قولعا ءتۇسىردى.
قوستاناي وبلىسىنىڭ 56 جاستاعى تۇرعىنى ادامدار توبىنىڭ الدىن الا ءسوز بايلاسۋى ارقىلى اسا ءىرى مولشەردە ۇرلىق جاساعان. وعان قاتىستى قىلمىستىق ءىس قوزعالىپ, قاماۋعا الۋ بۇلتارتپاۋ شاراسى قولدانىلىپ, ىزدەۋ جاريالانعان. بۇل وقيعا بويىنشا ارنايى ىزدەستىرۋ شارالارى جۇرگىزىلگەن.
پورتال مالىمەتىنە قاراعاندا, 2012 جىلدىڭ اقپانىندا كۇدىكتى سىبايلاسىمەن بىرگە جالعان كەلىسىمشارت نەگىزىندە قىزىلوردا قالاسىنداعى فيرمالاردىڭ بىرىنەن 74 580 940 تەڭگە كولەمىندە اقشانى بانك ارقىلى ەسەپشوتىنا اۋدارىپ, جىمقىرىپ كەتكەن. ىزدەستىرۋ شارالارىنىڭ ناتيجەسىندە, قىزىلوردا وبلىسى پوليتسيا دەپارتامەنتىنىڭ قىزمەتكەرلەرى ىزدەۋدە جۇرگەن قىلمىسكەر اقمولا وبلىسىندا ۇستالىپ, نۇر-سۇلتان قالاسىندا قاماۋعا الىندى.
