ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆتىڭ ايتۋىنشا, قازىر ۋتيليزاتسيالىق الىم بويىنشا وپەراتور «جاسىل دامۋ» اق-دان جەڭىلدەتىلگەن اۆتوكرەديتكە قارجى ءبولۋ جۇمىستارى ءجۇرىپ جاتىر.
«جاسىل دامۋ» شوتىنان اقشا اۋدارۋ بويىنشا كورپوراتيۆتىك راسىمدەر جۇرگىزىلۋدە. بۇل جۇمىس اياقتالعان سوڭ, اقشا جىبەرىلەدى. وسى اپتانىڭ سوڭىنا دەيىن, مامىردىڭ التىسىنا دەيىن بىتىرەمىز», دەدى برەكەشەۆ ۇكىمەت ۇيىندە وتكەن ءباسپاسوز ءماسليحاتىندا.
يندۋستريا ءمينيسترى قايىربەك وسكەنباەۆ ءتيىستى قاراجات وسى اپتا تۇسسە, كەلەسى جۇمادا باعدارلاما ىسكە قوسىلاتىنىن مالىمدەدى.
«اپتانىڭ اياعىنا دەيىن اقشا تۇسسە, كەلەسى اپتادان باستاپ بۇل جۇمىس باستالادى», دەدى ق. وسكەنباەۆ.
ەسكە سالا كەتەيىك, بۇعان دەيىن يندۋستريا جانە ينفراقۇرىلىمدىق دامۋ مينيسترلىگى جەڭىلدەتىلگەن اۆتوكرەديت باعدارلاماسىنىڭ شارتتارىن بەكىتتى. ەندى ەكولوگيا, گەولوگيا جانە تابيعي رەسۋرستار مينيسترلىگىنە قارايتىن «جاسىل دامۋ» اق-دان باعدارلامانى قارجىلاندىرۋعا اقشا بولىنۋگە ءتيىس.
باعدارلامانىڭ نەگىزگى شارتتارى: كرەديت سوماسى – 10 ميلليون تەڭگە; جىلدىق سىيىقاسى 4 پروتسەنت; مەرزىمى – 7 جىل. كولىك باعاسى كرەديت سوماسىنان جوعارى بولسا, ۇستىنەن اقشا قوسۋعا بولادى.
