ايماقتار • 04 مامىر، 2022

ءۇمىتتى اقتاعان ءۇش جىل

50 رەت كورسەتىلدى

«جول اكتيۆتەرىنىڭ ۇلتتىق ساپا ورتالىعى» رمك قاراعاندى وبلىستىق فيليالىنىڭ سوڭعى ءۇش جىلدا اتقارعان جۇمىستارى اۋىز تولتىرىپ ايتۋعا تۇرارلىق. وڭىردەگى تارام-تارام جولداردىڭ ساپاسىن تىكەلەي قاداعالايتىن بۇل كاسىپورىننىڭ موينىنا العان جاۋاپكەرشىلىگى دە اسا زور.

مىسالى، وسى ۋاقىت ارالى­عىندا كاسىپورىن اتىنان جالپى قۇنى 1 083 240 425،48 تەڭگە بولاتىن كەلىسىمشارتتار جاسالىپتى. ونىڭ ىشىندە جەرگىلىكتى اتقارۋ ورگاندارىمەن 407 949 852،97 تەڭگەنىڭ، رەسپۋبليكالىق بيۋدجەتپەن 353 753 548،51 تەڭگەنىڭ جانە دياگنوستيكا بويىنشا

136 537 624 تەڭگەنىڭ كەلىسىمىنە  قول قويىل­عانىن اتاپ ايتۋعا بولادى.

قاراعاندى وبلىسى بويىنشا ءۇش جىلدىڭ ىشىندە 398 نىسانعا 2 232 رەت تەكسەرىسپەن شىعۋ ورىن الىپتى. ياعني، جول قۇرىلىس ماتەريالدارىنان 5 مىڭ سىناما الىنعان. ونىڭ ىشىندە

1 255 سىنامانىڭ تالاپقا سايكەس كەلمەگەنىن ايتا كەتكەن ءجون بولادى.

«جول اكتيۆتەرىنىڭ ۇلتتىق ساپا ورتالىعى» رمك قاراعاندى وبلىستىق فيليالىنىڭ ديرەكتورى ايبول بيدايبەكوۆ ءوڭىر بويىنشا 1 947 شاقىرىمعا سوزىلعان اۆتوموبيل جولدارىنا دياگنوستيكا جانە پاس­پورتتاۋ جۇرگىزىلگەنىن ايتادى. اتاپ ايتقاندا، ونىڭ 1 876 شا­قىرىمى – رەسپۋبليكالىق، ال 71 مىڭ شاقىرىمى وبلىستىق جە­لىلەر بويىنشا جاسالعان. بۇل –  بىلە بىلگەن ادامعا وتە اۋقىمدى جانە كۇردەلى جۇمىس.

اتالعان كاسىپورىن جول ساپاسىن جاقسارتۋدى قامتاماسىز ەتەتىن زاماناۋي قۇرال-جابدىققا باسا ءمان بەرەدى. مىسالى، ءۇش جىلدىڭ ىشىندە جول بەلگىلەرىنە پايدالاناتىن پلەنكالاردىڭ جارىقتى قايتارۋ كورسەتكىشىن انىقتايتىن RetroSign GRX رەترورەفلەكتومەترى، جولداعى بەلگى-جولاقتاردى تەكسەرەتىن LTL-XL رەتروفلەكترومەترى، نور­ماتيۆتىك كور­سەتكىشتەردى باقى­­لايتىن قۇ­رىل­عىلار، اسفالت­بەتون جابىنىن تەكسەرۋگە ارنالعان جاڭا جاب­دىقتار ساتىپ الىنعان.

بۇل قۇرال-جابدىقتار مەن اپپاراتتاردىڭ وتە قىمبات تۇرا­تىنىن ايتا كەتكەن ءجون. بىراق «جول اكتيۆتەرىنىڭ ۇلت­تىق ساپا ورتالىعى» مەكەمەسى جولدىڭ ساپاسى تۋرالى اڭگىمە بولعان جەردە، قاراجاتتان تارىلعان ەمەس. مۇنىڭ ءوزى زاماناۋي قۇ­رىل­­عىلاردىڭ كومەگىمەن كۇرە جول­داردىڭ ساپاسى مەن ونداعى قاۋىپسىزدىكتى ارتتىرۋ ىسىنە يگى ىقپالىن تيگىزەتىنى ءسوزسىز.

قازىرگى تاڭدا بۇل سالاداعى جۇمىستىڭ ساپاسىن ارتتىرۋ با­عى­تىندا كاسىبي ماماندارعا دەگەن سۇرانىس ءوسىپ وتىر. جالپى، جول قۇرىلىسىنا جاستار تاراپىنان قىزىعۋشىلىقتىڭ ارتىپ كەلە جاتقانى قۋانتادى. وسى ورايدا «جول اكتيۆتەرىنىڭ ۇلتتىق ساپا ورتالىعى» رمك قاراعاندى وبلىستىق فيليالى كادر تاربيەلەۋ ىسىنە دە باسا ءمان بەرەدى. فيليال باسشىسى ايبول بيدايبەكوۆتىڭ ايتۋىنشا، ءۇش جىل ىشىندە 8 ستۋدەنت وندىرىستىك تاجىريبەدەن وتكەن ەكەن.

بۇدان بولەك، مەكەمە ۇنەمى كاسىپتىك باعدار بەرىپ، «1000 مەكتەپ» باعدارلاماسى اياسىندا جول سالاسىنا جاس مامانداردى تارتۋمەن اينالىسىپ كەلەدى. قاراعاندى وبلىسى بويىن­شا ورتا مەكتەپتەرمەن جان-جاق­تى جۇمىس جۇرگىزىلىپ، سوڭعى ءۇش جىلدا 92 ءبىلىم وشاعىمەن ارىپ­تەستىك قارىم-قاتىناس ورنا­تىلعان.

سونىمەن قاتار «جول اكتيۆ­تەرىنىڭ ۇلتتىق ساپا ورتالىعى» فيليالىنىڭ كۇشىمەن «1000 مەكتەپ» باعدارلاماسى بويىنشا ءۇش جىلدىڭ ىشىندە 200-گە تارتا مەكتەپتە كاسىبي باعىت-باعدار بەرۋ ءۇشىن 9، 10، 11-سىنىپ وقۋشىلارىمەن كەزدەسۋلەر ۇيىمداستىرىلىپتى. مۇنىڭ ءبارى جاستاردى جول قۇرىلىسى ماماندىعىنا وقىتۋ، ودان كەيىن جۇمىسقا تارتۋ سىندى ماڭىزدى ماقساتتى العا قويعان.

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار