الماتى – قازاقستانداعى تۋريستەر ەڭ كوپ كەلەتىن, الەم جيھانكەزدەرىن تارتۋعا الەۋەتى جەتەتىن اسەم قالا. ماسەلەن, جۋىردا وسى شاھاردا وتكەن تۋريزم سالاسىنداعى ورتالىق ازياداعى ەڭ ءىرى «تۋريزم جانە ساياحات» – «KITF» كورمەسىنە شارتاراپتان 211 تۋريستىك كومپانيا, 18 ەل رەسمي تۇردە قاتىسقان بولاتىن.
اتالعان سالانىڭ ماماندارى قازاقستانعا كەلگەن ءاربىر ەكىنشى شەتەلدىك تۋريست مىندەتتى تۇردە الماتىدا بولاتىنىن اتاپ وتكەن ەدى. وتكەن جىلى تۋريستەر سانى 65%-عا ءوسىپ, 1,2 ملن-عا جەتكەن, بۇل رەسپۋبليكالىق كورسەتكىشتىڭ بەستەن ءبىر بولىگى – 5,4 ملن ادام. دەگەنمەن 2025 جىلعا قاراي الماتىعا كەمى 2,3 ملن تۋريست تارتۋ جوسپارلانىپ وتىرعان جايى بار.
تۋريزم سالاسىنداعى قىزمەتتەر كولەمى وتكەن جىلى 27,9 ملرد تەڭگەنى قۇرادى, بۇل 2020 جىلدىڭ كورسەتكىشىمەن سالىستىرعاندا 66%-عا ارتىق. سالاعا 46,3% وسىممەن 100,7 ملرد تەڭگە ينۆەستيتسيالاندى.
ءمينيستردىڭ الماتى قالاسىنداعى تۋروپەراتورلار, بيزنەسمەندەر, Kazakh Tourism ۇلتتىق كومپانياسى اق, الماتى قالاسى مەن الماتى وبلىسى اكىمدىكتەرىنىڭ وكىلدەرىمەن كەزدەسۋى وسى ماقساتقا سەرپىن بەرۋى ءتيىس.
ء«بىز شەتەلدەردەگى گراند تۋرلاردىڭ كوپتەگەن مىسالدارىن بىلەمىز. مىسالى, شۆەيتساريادا بۇكىل ەل اۋماعىن قامتيتىن ۇلكەن تۋر وتەدى, ونى تۋريستەر ءبولىپ-ءبولىپ نەمەسە تولىعىمەن وتكىزە الادى. وسىلايشا, ءبىر ساياحاتتا بۇكىل باعىتتى بىلە الاسىز. مارشرۋت بويىندا ءتۇرلى تاقىرىپتارعا ارنالعان, كولىكتىڭ ءار تۇرىندە ءىس-شارالاردى ۇسىناتىن تۋرلار قۇرىلۋى مۇمكىن», دەيدى مينيستر.
سونىمەن قاتار د.اباەۆ تۋريستەردى تارتاتىن مارشرۋتتار تاقىر جەردەن پايدا بولا سالمايتىنىن اتادى. «تاپتاۋرىن سوقپاق» قاعيداتى بويىنشا تۋريستەرگە قىزىقتى ءارى سۇرانىسقا يە مارشرۋتتار ءبىرىنشى كەزەكتە جاقسارتىلادى جانە دامىتىلادى.
ەلىمىزدىڭ بەس وڭىرىندە باعىتتار انىقتالعان. ولاردىڭ ىشىندەگى ەڭ تانىمالدارى – وڭتۇستىك-شىعىستاعى «الماتى: 4 ماۋسىم» مەن قازاقستاننىڭ وڭتۇستىگىندەگى « ۇلى جىبەك جولى». بۇل رەتتە «جىبەك جولى» باعىتى قولدانىستاعى ترانسشەكارالىق باعىتتىڭ ءبىر بولىگى سانالادى جانە قىتايمەن شەكارادا باستالىپ, وزبەكستاندا جالعاستىرىلۋى مۇمكىن. ودان ءارى ەلىمىزدىڭ وڭتۇستىك-باتىسىنداعى ماڭعىستاۋدىڭ كوزدىڭ جاۋىن الار پەيزاجى, شىعىسىندا التايدىڭ تۇمسا تابيعات كورىنىسى جانە «سارىارقا» باعىتىنىڭ ەكى بولىگى: سولتۇستىك جانە شىعىس – بۇل بۋراباي, يمانتاۋ-شالقار, باياناۋىل جانە قارقارالى دالالارىنداعى ءىنجۋ-مارجاندارىمىز.
مينيسترلىك وسى باعىتتاردى جوسپارلى تۇردە دامىتۋدى ۇسىنادى: الدىمەن – تاڭدالعان مارشرۋتتاردى اباتتاندىرۋ, ەكىنشى كەزەڭدە – «جۇمساق» ينفراقۇرىلىمدى جانە مارشرۋتتاردى ساپالى تۇرعىدا دامىتۋ. كەلەسى كەزەڭ – تۋروپەراتورلارمەن بىرگە ماقساتتى تۇردە تۋرلاردى بەلسەندى جىلجىتۋ.
د.اباەۆتىڭ ايتۋىنشا, بۇل ماسەلەدە مەملەكەت پەن نارىقتىڭ بىرلەسكەن «كوماندالىق جۇمىسى» اسا ماڭىزدى.
ءوز كەزەگىندە «Kazakh Tourism» ۇلتتىق كومپانياسىنىڭ باسقارۋشى ديرەكتورى دانيەل سەرجان ۇلى «Kazakh Tourism» نەگىزگى كۇش-جىگەرىن مامانداردى وقىتۋعا, ستاندارتتاۋ جانە ماركەتينگ جونىندەگى ءىس-شارالاردى قوسا العاندا, گراند مارشرۋتتار اينالاسىنداعى تۋريستىك ونىمدەردى دامىتۋعا باعىتتاپ وتىرعانىن اتادى.
الايدا ىشكى تۋريزم بويىنشا وتاندىق تۋروپەراتورلاردىڭ باسشىلارى مارشرۋتتاردى جۇيەلى ءارى ناقتى دامىتۋدىڭ ماڭىزدىلىعىنا, سونىمەن بىرگە تۋريستەردىڭ جايلىلىعىن ارتتىرۋعا كومەكتەسەتىن كەيبىر پروبلەمالاردى شەشۋ كەرەكتىگىن اتاپ ءوتتى.
سونداي-اق كەزدەسۋ اياسىندا NeoNomad اكتسياسى تۋرالى ايتىلدى. جوبانىڭ ءمانى قازاقستان ىشىندە تۋريستەردىڭ كەلۋىنە ۇسىنىلاتىن ورىندار ءتىزىمىن قالىپتاستىرۋ. اكتسيا بيىلعى مامىر ايىنا جوسپارلانعان. اكتسيانىڭ نەگىزگى يدەياسى – تۋريستەردى ارنايى فوتوسپوتتاردا سۋرەتكە ءتۇسىرۋ. جوباعا بارلىق ءوڭىر بويىنشا 20 ورىن قامتىلعان, نىسانداردىڭ ءبىر بولىگى گراند مارشرۋتتار بويىندا ورنالاسقان.
بۇعان دەيىن دە مادەنيەت جانە سپورت ءمينيسترى د.اباەۆ: ء«بىز 2025 جىلعا قاراي تۋريزم سالاسىندا 60 مىڭعا جۋىق جاڭا جۇمىس ورنىن اشۋدى كوزدەپ وتىرمىز. ينۆەستيتسيالىق جانە ينفراقۇرىلىمدىق جوبالاردى ىسكە اسىرۋ دا, سونداي-اق ەكونوميكانىڭ ءتۇرلى سالاسىندا حالىقتىڭ جۇمىسپەن قامتىلۋىنا جول اشاتىن تۋربيزنەس قىزمەتىن جانداندىرۋ دا وسىعان ىقپال ەتەدى. بۇل بىلىكتى كادرلارعا دەگەن سۇرانىستى ارتتىرادى», دەگەن بولاتىن.
قالاي دەسەك تە, وتاندىق ءتۋريزمدى دامىتۋدا كادرلار دايىنداۋدان بولەك, بۇرىننان شەشىمىن تاپپاي كەلە جاتقان بىرقاتار ماسەلە بار, ونىڭ بارلىعى دا بۇرىننان ايتىلىپ, قوزعالىپ كەلەدى. مينيستر تۋروپەراتورلارمەن كەزدەسۋ بارىسىندا ءتۋريزمدى دامىتۋدىڭ تۇيتكىلدەرىن دە تىڭداپ, ءىستى ىلگەرىلەتۋدىڭ جولدارىن سارالادى.
