«ىشكى ىستەر ورگاندارى ۇرلانعان, زاڭسىز ساقتاۋداعى جانە تىركەلمەگەن قارۋدى تابۋ مەن الىپ قويۋ بويىنشا جۇمىستى جالعاستىرۋدا. 1 499 قارۋ مەن 35,6 مىڭنان استام وق-ءدارى تاركىلەندى.
ماسەلەن, جامبىل وبلىسى پوليتسيا دەپارتامەنتىنىڭ قىزمەتكەرلەرى جەدەل-ىزدەستىرۋ شارالارى كەزىندە وق-ءدارىسى بار 2 «كالاشنيكوۆ» اۆتوماتىن ساتپاقشى بولعان جەرگىلىكتى تۇرعىندى انىقتادى. كۇدىكتى سوتتىڭ شەشىمىمەن كۇزەتپەن قاماۋعا الىندى», دەدى تەرگەۋ دەپارتامەنتىنىڭ باستىعى.
ونىڭ مالىمەتى بويىنشا, ءتۇسىندىرۋ جۇمىستارىنىڭ ناتيجەسىندە ازاماتتار 145 قارۋدى ءوز ەركىمەن تاپسىرعان.
«وتكەن اپتا ىشىندە عانا الماتى وبلىسىندا ازاماتتار 3 تەگىس ۇڭعىلى مىلتىقتى بەردى. قابىلدانعان شارالاردىڭ ارقاسىندا پوليتسيا قىزمەتكەرلەرى جالپى سوماسى 340 ملن تەڭگەدەن اساتىن ازاماتتاردىڭ مۇلكىن تاۋىپ, قايتاردى.
مىسالى, بيىل 5 قاڭتاردا الماتى وبلىسىنىڭ 4 تۇرعىنى الماتى قالاسىندا ءالىمجانوۆ كوشەسىندەگى «كcell» اكتسيونەرلىك قوعامنىڭ فيليالىنان جالپى سوماسى 3 ملن 555 مىڭ تەڭگەگە 27 ۇيالى تەلەفوندى ۇرلاعان.
كۇدىكتىلەر ۇستالدى جانە سوتتىڭ سانكتسياسىنان ولارعا كەپىل تۇرىندە بۇلتارتپاۋ شاراسى قولدانىلدى.
مەدەۋ اۋدانى سوتىنىڭ ۇكىمىمەن ولار كىنالى دەپ تانىلدى جانە جاعىمدى مىنەزدەمەلەرى, زالالدىڭ ورنىن تولتىرعانى ەسكەرىلىپ, ءۇش جىلعا باس بوستاندىعىن شەكتەۋگە سوتتالدى», دەدى سانجار ءادىلوۆ.
بۇعان دەيىن قر ءىىم تەرگەۋ دەپارتامەنتىنىڭ باسشىسى سانجار ءادىلوۆ قاڭتار وقيعاسى كەزىندە اسىرەسە ءۇش وڭىردە نىساندار قاتتى تونالعانىن ايتقان ەدى.
ايانا توعانبەك
