مەملەكەت باسشىسى قاسىم-جومارت توقاەۆ ورتالىق ازيا ەلدەرىنە جۇمىس ساپارى اياسىندا ەلورداعا كەلگەن ماجارستاننىڭ سىرتقى ەكونوميكالىق بايلانىستار جانە سىرتقى ىستەر ءمينيسترى پەتەر سيارتونى قابىلدادى.
كەزدەسۋ بارىسىندا قازاقستان مەن ماجارستاننىڭ ساياسي, ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق سالالارداعى ستراتەگيالىق ىنتىماقتاستىعىن دامىتۋدىڭ پەرسپەكتيۆالارى تالقىلاندى.
مەملەكەت باسشىسى ماجارستاندىق ديپلوماتقا ءىلتيپات ءبىلدىرىپ, پرەمەر-مينيستر ۆيكتور وربان جەتەكشىلىك ەتەتىن باسقارۋشى «فيدەس» اليانسىن جۋىردا وتكەن پارلامەنتتىك سايلاۋداعى جەڭىسىمەن قۇتتىقتادى. قاسىم-جومارت توقاەۆ ەكونوميكالىق سالادا مۇمكىندىك مول ەكەنىن ەرەكشە اتاپ ءوتىپ, بۋداپەشتپەن اراداعى ىنتىماقتاستىقتى دامىتۋعا باسا ءمان بەرەتىنىن ايتتى.
مەملەكەت باسشىسى مينيسترگە ەلىمىزدە جۇزەگە اسىرىلىپ جاتقان اۋقىمدى ساياسي جانە ەكونوميكالىق رەفورمالار, جاڭا قازاقستان قۇرۋ تۋرالى, سونداي-اق كونستيتۋتسياعا تۇزەتۋلەر ەنگىزۋ ءۇشىن رەفەرەندۋم وتكىزۋگە دايىندىق جونىندە مالىمەت بەردى.
پەتەر سيارتو ءوز ەلىنىڭ باسشىلىعىن قۇتتىقتاعانى ءۇشىن قازاقستان پرەزيدەنتىنە العىس ءبىلدىردى. ءمينيستردىڭ ايتۋىنشا, باسقارۋشى پارتيانىڭ جەڭىسى ماجارستاننىڭ دەربەس ءارى تاۋەلسىز سىرتقى ساياساتىن ودان ءارى جۇزەگە اسىرۋ تۇرعىسىنان ماڭىزدى.
ماجارستاننىڭ سىرتقى ساياسي ۆەدومستۆوسىنىڭ باسشىسى ءوز ەلىنىڭ قازاقستانمەن ستراتەگيالىق سەرىكتەستىكتى نىعايتا تۇسۋگە بەيىلدى ەكەنىن جەتكىزدى. پەتەر سيارتو ماجارستان باسشىلىعىنىڭ قازاقستان پرەزيدەنتىن بۋداپەشتكە ساپارمەن كەلۋگە شاقىرعانىن ەسكە سالدى.
پەتەر سيارتو قاسىم-جومارت توقاەۆتىڭ باسشىلىعىمەن جاڭا قازاقستاندى قۇرۋ ءۇشىن جۇزەگە اسىرىلىپ جاتقان جۇمىستاردى ۆيكتور ورباننىڭ قولدايتىنىن جەتكىزدى.
ەكى ەل اراسىنداعى ستراتەگيالىق سەرىكتەستىككە تىڭ سەرپىن بەرۋ ءۇشىن مەملەكەت باسشىسى پرەمەر-مينيستر ۆيكتور ورباننىڭ شاقىرۋى بويىنشا ماجارستانعا قارىمتا ساپارمەن بارۋعا دايىن ەكەنىن مالىمدەدى.
سونىمەن قاتار كەزدەسۋدە قاسىم-جومارت توقاەۆ پەن پەتەر سيارتو حالىقارالىق جانە ايماقتىق كۇن ءتارتىبىنىڭ وزەكتى ماسەلەلەرى جونىندە پىكىر الماستى.
كەزدەسۋ سوڭىندا قازاقستان پرەزيدەنتى جاڭادان سايلانعان ماجارستان پرەزيدەنتى كاتالين نوۆاككا جانە پرەمەر-مينيستر ۆيكتور وربانعا جۇرەكجاردى سالەمىن جولدادى.
