اتالعان تۋردى تۇركىستاندا «ماقتارال» مەن «تاراز» كەزدەسۋى تۇيىندەدى.
تۋرنير كەستەسىندە كوش سوڭىندا كەلە جاتقان تۇركىستاندىق كلۋب بۇل جولى دا قارسىلاسىنىڭ ىعىنا جىعىلدى. ءبىرىنشى كەزەڭدە كوماندالار ءبىر-ءبىرىنىڭ قاقپاسىنان ساڭىلاۋ تابا العان جوق.
العاشقى كەزەڭ اياقتالار تۇستا تورەشى «تاراز» قاقپاسىنا پەنالتي بەلگىلەگەن ەدى. VAR جۇيەسىندەگى ۆيدەوقايتالاۋدان كەيىن تورەشى اتالعان شەشىمنەن باس تارتتى.
ەكىنشى كەزەڭدە تارازدىق فۋتبولشىلار شابۋىل شەبىندە كوبىرەك بوي كورسەتتى. ناتيجەسىندە 77-مينۋتتا ماقسات ءامىرحانوۆ كوزدەگەن نىسانادان ءمۇلت كەتكەن جوق. وسىلايشا «تاراز» سىرت الاڭدا «ماقتارالدى» 1:0 ەسەبىمەن تىزە بۇكتىردى.
بەسىنشى جەڭىسىنە قول جەتكىزگەن تارازدىق كوماندا 17 ۇپايمەن تۋرنير كەستەسىندە كوش باسىنا شىقتى. ال «ماقتارال» التىنشى مارتە جەڭىلىپ, كوش سوڭىندا قالىپ قويدى.
ەسكە سالساق, بۇگىن, 2 مامىردا «اقتوبە» «اقجايىقتى» 2:1, «شاحتەر» «توبىلدى» 4:1, «اقسۋ» «كاسپيدى» 2:0 ەسەبىمەن ۇتتى.
