شاراعا بالا-شاعاسىمەن بىرگە كەلگەن كادرلىق رەزەرۆ مۇشەلەرى ساياباقتاعى ارنايى اللەياعا 150-دەي ء تۇرلى اعاش كوشەتىن وتىرعىزىپ, اينالانى قوقىستان تازارتتى.
«مەنىڭ وتباسىم ءۇشىن ەلىمىزدەگى ءوزىمىز مەكەن ەتكەن قالالاردا جىل سايىن اعاش وتىرعىزۋ داستۇرگە اينالعان. بۇگىن سول ادەتىمىزبەن جاڭىلماي, تاماشا تابيعات اياسىندا كەرەمەت ۋاقىت وتكىزىپ, ەلوردامىزدىڭ جاسىل قالاعا اينالۋىنا ءوز ۇلەسىمىزدى قوستىق», دەيدى پرەزيدەنت جاستار كادرلىق رەزەرۆىنىڭ بەلسەندى مۇشەسى سامات رامازانوۆ.
جالپى, 16 ساۋىردەن باستاۋ العان #BirgeTazaQazaqstan جالپىۇلتتىق ەكولوگيالىق اكتسياسىنا ەلوردامىزدىڭ بەلسەندى تۇرعىندارى, ونىڭ ىشىندە مەملەكەتتىك قىزمەتكەرلەر بەلسەندى قاتىسىپ جاتىر. سارىارقا اۋدانى اكىمى اپپاراتىنىڭ كوممۋنالدىق شارۋاشىلىق ءبولىمى باس مامانى جانسەيىت تىنباەۆتىڭ ايتۋىنشا, بۇگىن اۋدانداعى «كوكتال» ساياباعى, مونشاقتى كوشەسىنىڭ بويىندا قايىڭ, قاراعاي, جوكە اعاشىنىڭ 200-دەن اسا كوشەتى وتىرعىزىلدى.
