ونەر • 29 ءساۋىر، 2022

قىلقوبىزبەن قارا ءۇزدى

29 رەت كورسەتىلدى

ساتباەۆ قالاسىندا ۇلتتىق اسپاپتاردا ويناۋشىلار اراسىندا وتكەن ەردەن ساندىباي ۇلى اتىنداعى IV رەسپۋبليكالىق بايقاۋدا نازەركە ابىلحاسەنوۆا ءبىرىنشى ورىندى جەڭىپ الدى. التى جىل بۇرىن العاش رەت جالاۋى جەلبىرەگەن بۇل ونەر دوداسىندا بيىل 16-40 جاس ارالىعىنداعى 31 ونەرپاز باق سىنادى.

نازەركە ابىلحاسەنوۆا قارا­عان­دى­داعى ماماندان­دىرىلعان مۋزىكا مەكتەپ-ينتەرناتىنىڭ 11-سىنىبىندا وقيدى. ونىڭ تاڭداعان اسپابى – قىلقوبىز.

 – قاتىسۋشىلار اراسىندا كونسەرۆاتوريا وقىتۋشىلارى، تاجى­ريبەلى مۋزىكانتتار بولعاندىقتان، باسىندا قاتتى قو­بال­جىعانىم راس. ايتسە دە، ءساتىن سالىپ، سەگىز نومىردەن تۇراتىن باعدارلامامدى جاقسى ورىنداپ شىقتىم. ءار تۋرعا ءتورت تۋىندىدان وينادىم. جەڭەمىن دەگەن سەنىم بولماسا دا، بارىمدى سالدىم، – دەيدى ول اعىنان جارىلىپ.

نازەركە مەكتەپتى بىتىرگەن سوڭ قاي وقۋ ورنىنا باراتىنىن ءالى شەشپەپتى. دەگەنمەن ول ءوزىنىڭ بولاشاق ءومىرى مۋزىكامەن بايلانىستى بولاتىنىنا سەنىمدى.

ال تورەشىلەر القاسىنىڭ شە­شىمىمەن بايقاۋدىڭ باس جۇل­دەسى الماتىلىق ونەرپاز اسەل قالدىمۇراتقا بۇيىردى. ەكىنشى جۇلدە قاراعاندى مەن سات­باەۆ قالا­لارىنان قاتىسقان ەكى ونەر­پازعا بەرىلسە، الماتى مەن ەل­وردادان كەلگەن ءۇش قاتىسۋ­شى جۇلدەلى ءۇشىنشى ورىندى ءوزارا ءبولىستى.

جەڭىمپازدار مەن جۇلدە­گەرلەر ديپلومدارمەن جانە اق­شالاي سەرتيفيكاتتارمەن ماراپاتتالدى.

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار