ستاتيستيكا كوميتەتىنىڭ حابارلاۋىنشا, 2022 جىلدىڭ قاڭتار-ناۋرىز ايلارىندا وزبەكستاندا ورتاشا ايلىق اتاۋلى جالاقى 3 ملن 426,8 مىڭ سۋم (وتكەن جىلدىڭ قاڭتار-ناۋرىزىندا – 2 ملن 876,4 مىڭ سۋم) بولعان.
بۇل 2021 جىلدىڭ سايكەس كەزەڭىمەن سالىستىرعاندا 19,1 پايىزعا جوعارى.
بيىلعى جىلدىڭ ءبىرىنشى توقسانىندا ەڭ جوعارى ورتاشا ايلىق جالاقى بانك, ساقتاندىرۋ, ليزينگ جانە نەسيە دەلدالدىق قىزمەتىندە بايقالعان – 8,4 ميلليون سۋم (335 139 تەڭگە).
اقپارات جانە بايلانىس سالاسىندا ورتاشا ايلىق جالاقى 6,5 ميلليون سۋم, تاسىمالداۋ جانە ساقتاۋ سالاسىندا - 4,5 ميلليون سۋم, ونەركاسىپ سالاسىندا - 4,4 ميلليون سۋم, قۇرىلىس بويىنشا - 4,1 ميلليون سۋم, ساۋدا-ساتتىق - 3,5 ميلليون سۋم, ءبىلىم سالاسىندا – 2,5 ميلليون سۋمدى قۇراعان.
ەڭ تومەنگى ورتاشا جالاقى دەنساۋلىق ساقتاۋ جانە الەۋمەتتىك قىزمەت كورسەتۋ سالاسىندا تىركەلدى – 2,3 ميلليون سۋم (91 764 تەڭگە).
ايماقتار بويىنشا ەڭ جوعارى ورتاشا ايلىق جالاقى كورسەتكىشىندە تاشكەنت قالاسى كوش باستاپ تۇرعان بولسا (5,2 ميلليون سۋم), ەڭ تومەنگى ورتاشا جالاقى فەرعانا وبلىسىنا تۋرا كەلەدى (2,5 ميلليون سۋم).
ايانا توعانبەك
