وتىرىسقا تمد-عا قاتىسۋشى مەملەكەتتەردىڭ وكىلدەرى, تمد اتقارۋشى كوميتەتىنىڭ توراعاسى سەرگەي لەبەدەۆ جانە ونىڭ ورىنباسارلارى قاتىستى.
كەزدەسۋدە تۇراقتى وكىلەتتى وكىلدەر تمد ەلدەرىندە ساۋلەت جانە قالا قۇرىلىسى جىلىنا ارنالعان ءىس-شارالاردى ىسكە اسىرۋ قورىتىندىلارىن قاراستىردى, وندا 54 ءىس-شارا (حالىقارالىق فورۋمدار, كونفەرەنتسيالار, كورمەلەر مەن سەمينارلار) كوزدەلگەن.
بۇل پلاتفورمالار ساۋلەت جانە قالا قۇرىلىسى سالاسىنداعى ەلدەر اراسىنداعى كوپجاقتى ىنتىماقتاستىقتى دامىتۋعا قىزمەت ەتتى جانە وزىق تاجىريبەنى پايدالانۋ بويىنشا تاجىريبە الماسۋعا بىرەگەي مۇمكىندىك بەردى.
سونىمەن قاتار باسقوسۋدا تمد سىرتقى ىستەر مينيسترلەرى كەڭەسى مەن ۇكىمەت باسشىلارى كەڭەسىنىڭ كەزەكتى وتىرىستارىنا دايىندىق بارىسى تالقىلاندى.
تمد سىرتقى ىستەر مينيسترلەرى كەڭەسىنىڭ وتىرىسى 2022 جىلعى 13 مامىردا دۋشانبەدە كۇندىزگى فورماتتا وتەدى. سىرتقى ساياسي ۆەدومستۆولاردىڭ باسشىلارىنا دوستاستىق اياسىنداعى كوپ دەڭگەيلى ءسىم-ارالىق كونسۋلتاتسيالار جوسپارىن جانە سىرتقى ساياسي ۆەدومستۆولار اراسىنداعى ارىپتەستىكتى جانداندىرۋ جونىندەگى ءىس-قيمىل باعدارلاماسىن ىسكە اسىرۋعا, تمد-عا قاتىسۋشى مەملەكەتتەردىڭ تۋريزم سالاسىنداعى بازالىق ۇيىمىن قۇرۋعا قاتىستى ماسەلەلەردى تالقىلاۋ ۇسىنىلادى.
ۇكىمەت باسشىلارى كەڭەسىنىڭ وتىرىسى 2022 جىلعى 20 مامىردا بەينەكونفەرەنتسيا فورماتىندا وتەدى. ۇكىمەت باسشىلارىنىڭ قاراۋىنا 2030 جىلعا دەيىنگى كەزەڭگە ارنالعان اقپاراتتىق قاۋىپسىزدىك ستراتەگياسىن ىسكە اسىرۋدىڭ ءبىرىنشى كەزەكتەگى ءىس-شارالار جوسپارى, ءجۇزىم شارۋاشىلىعى مەن شاراپ شارۋاشىلىعىن ودان ءارى دامىتۋ جونىندەگى ىنتىماقتاستىق تۇجىرىمداماسى جانە باسقا دا ماسەلەلەر ۇسىنىلدى.
