جىل باسىنان بەرى قاراعاندىدا قارتتاردى الداپ, قۇربان قىلىپ جۇرگەن الاياقتار پايدا بولدى. بۇل رەتتە قاسكۇنەمدەر جابىرلەنۋشىلەرگە وزدەرىن تۋىسقاندارىمىز دەپ تانىستىرعان. 3 اقپاندا قاراعاندى قالالىق پب ورتالىق پوليتسيا بولىمىنە 73 جاستاعى قالا تۇرعىنى جۇگىنگەن.
زەينەتكەردىڭ ايتۋىنشا, اجەيگە بەلگىسىز بىرەۋ كەلىپ, ءوزىن جيەنىنىڭ دوسى ەكەنىنە سەندىرگەن. كۇتپەگەن قوناق اجەيدەن تۋىسىنا 300 مىڭ تەڭگە قاجەت ەكەنىن ايتىپ, سۇراعان. الاياققا سەنىپ, زەينەتكەر وعان قاجەتتى سومانى بەردى. ءبىراز ۋاقىتتان كەيىن ول جيەنىمەن بايلانىسىپ, تۋىسىنا قارجىلىق قولداۋ قاجەت ەمەس ەكەنىن بىلەدى.
25 ناۋرىزدا سول ورتالىق پب-عا 66 جاستاعى زەينەتكەردەن ءوتىنىش ءتۇستى. زەينەتكەرگە ءبىر ازامات قوڭىراۋ شالىپ, ءوزىن رەسەيدە تۇراتىن ۇلى ەكەنىن ايتىپ, نوۋتبۋك ساتىپ الۋ ءۇشىن شۇعىل تۇردە 250 مىڭ تەڭگە قاجەت ەكەنىن مالىمدەگەن. ول ەشقانداي كۇدىك تۋدىرماعاندىقتان زەينەتكەر ول ايتقان شوتقا 250 مىڭ تەڭگە اۋدارعان. وسىدان كەيىن ايەل ۇلىنا قوڭىراۋ شالىپ, اقشا تۇسكەنىن سۇراسا, وعان نوۋتبۋك قاجەت ەمەس ەكەنى بەلگىلى بولعان.
بارلىق فاكتىلەر بويىنشا قر قك 190-بابى (الاياقتىق) بويىنشا قىلمىستىق ءىس قوزعالدى. 22 ساۋىردە جەدەل-ىزدەستىرۋ ءىس-شارالارى بارىسىندا ورتالىق پب كريمينالدىق پوليتسيا قىزمەتكەرلەرى قاراعاندى ق. پب قىزمەتكەرلەرىمەن بىرلەسىپ تەمىرتاۋ قالاسىنىڭ 39 جانە 44 جاستاعى ەكى تۇرعىنىن ۇستادى. ولار قىلمىستارىن مويىندادى.
سوتقا دەيىنگى تەرگەۋ بارىسىندا پوليتسەيلەر قاسكۇنەمدەردىڭ تاعى دا وسىنداي 12 قىلمىسقا قاتىستىلىعىن انىقتادى. ولار كەلتىرگەن زالالدىڭ جالپى سوماسى 7 ملن 177 مىڭ تەڭگەنى قۇرادى. قاسكۇنەمدەر ۋاقىتشا ۇستاۋ يزولياتورىنا قامالدى.
ايانا توعانبەك
