ال 274 وقۋشى كۇمىس جانە 462 وقۋشى قولا مەدال يەلەندى. وسىلايشا ەلىمىزدىڭ تۇكپىر-تۇكپىرىنەن كەلگەن بارلىعى 919 وقۋشى جۇلدەلى ورىندارعا يە بولدى.
وسىلايشا بيىل مەدالدار سانى بىلتىرمەن سالىستىرعاندا كوپ بولدى. 2021 جىلى رەسپۋبليكالىق وليمپيادادا 122 قاتىسۋشى التىن, 214 كۇمىس جانە 349 قولا مەدال جەڭىپ الدى.
قورىتىندى كەزەڭ وليمپيادانىڭ بارلىق الدىڭعى كەزەڭى سياقتى Oqylyq.kz پلاتفورماسىندا ەلەكتروندى فورماتتا ءوتتى. اشىقتىق پەن اكادەميالىق ادالدىقتى ساقتاۋ ءۇشىن وليمپيادا بەينەباقىلاۋ جۇيەسىمەن قامتاماسىز ەتىلدى. تاۋەلسىز باقىلاۋشىلار پروتسەستى باقىلاپ وتىردى.
«ەندى رەسپۋبليكالىق جارىستىڭ جەڭىمپازدارى ىرىكتەۋدەن كەيىن وليمپيادالىق رەزەرۆكە ءتۇسىپ, ولارعا وقۋ-جاتتىعۋ جيىندارى ۇيىمداستىرىلادى. ناتيجەسىندە قازاقستاننىڭ نامىسىن IMO سياقتى اۋقىمدى حالىقارالىق وليمپيادالاردا قورعايتىن ۇلتتىق قۇراما جاساقتالادى», دەدى بعم «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى تيمۋر نۇركەشوۆ
رەسپۋبليكالىق وليمپيادانىڭ مەكتەپىشىلىك كەزەڭىنە 16 ءپان بويىنشا 266 805 وقۋشى, اۋداندىق كەزەڭگە 96 443 وقۋشى, وبلىستىق كەزەڭگە 14 369 وقۋشى قاتىستى. ال اقتىق كەزەڭدە 2 070 وقۋشى جۇلدەلى ورىنداردى ساراپقا سالدى.
ايانا توعانبەك
